-
ពិតជាមិនធម្មតា! មេដាយអូឡាំពិកទីក្រុងតូក្យូ កែច្នៃចេញពីទូរស័ព្ទ និងគ្រឿងអេឡិចត្រូនិចចាស់ៗ
ជប៉ុន៖ ប្រទេសជប៉ុនកំពុងតែធ្វើជាម្ចាស់ផ្ទះសម្រាប់ព្រឹត្តិការណ៍កីឡាអូឡាំពិកទីក្រុងតូក្យូ ឆ្នាំ២០២០ ដែលព្រឹត្តិការណ៍នេះដើមឡើយត្រូវធ្វើឡើងកាលពីឆ្នាំមុន ប៉ុន្តែដោយសារតែការរីករាលដាលនៃជំងឺ COVID-19 វាក៏ត្រូវបានពន្យារពេលមកធ្វើនៅក្នុងឆ្នាំ២០២១នេះវិញ ។ អ្វីដែលគួរឱ្យចាប់អារម្មណ៍នោះ គឺមេដាយទាំងអស់សម្រាប់ផ្ដល់ជូនកីឡាករដែលឈ្នះនៅក្នុងការប្រកួតលើកនេះ គឺធ្វើឡើងពីសំណល់កែច្នៃអេឡិចត្រូនិកមានដូចជាស្មាតហ្វូន និងកុំព្យូទ័រយួរដៃជាដើម ។ ទម្រាំប្រមូលបានកាកសំណល់អេឡិចត្រូនិក ដើម្បីមកផលិតចេញជាមេដាយទាំងអស់ចំនួន៥ពាន់នោះ មានប្រជាជនជប៉ុនមកពីតំបន់ច្រើនជាង១ពាន់៦រយតំបន់ បានចំណាយពេលរបស់ពួកគេរយៈពេល២ឆ្នាំ ពោលគឺពីខែមេសា ឆ្នាំ២០១៧ ដល់ខែមិនា ឆ្នាំ២០១៩ ដើម្បីចូលរួមប្រមូលសំណល់ទាំងនោះ ។ ពួកគេបានដំឡើងជាទីតាំងផ្សេងៗគ្នា ដើម្បីឱ្យពលរដ្ឋអាចចូលរួមបរិច្ចាគគ្រឿងអេឡិចត្រូនិកចាស់ៗបានទាំងអស់គ្នា ។ បន្ទាប់ពីយុទ្ធនាការប្រមូលសំណល់អេឡិចត្រូនិកបានបញ្ចប់ទៅវិញ ពួកគេក៏អាចកែច្នៃសំណល់ទាំងនោះសម្រាប់មេដាយមាសបាន៣២គីឡូក្រាម មេដាយប្រាក់៣ពាន់៥រយគីឡូក្រាម និងមេដាយសំរិទ្ធ២ពាន់២រយគីឡូក្រាម ។ សូមជម្រាបថា នេះគឺជាលើកទីមួយក្នុងប្រវត្តិសាស្ត្រអូឡាំពិក ដែលមេដាយត្រូវបានផលិតឡើងដោយប្រើកាកសំណល់អេឡិចត្រូនិកកែច្នៃឡើងវិញ ហើយក៏ជាលើកដំបូងផងដែរ ដែលប្រជាពលរដ្ឋសាមញ្ញបានចូលរួមបរិច្ចាគសម្ភារៈរបស់ពួកគេ នេះបើតាមគេហទំព័រផ្លូវការរបស់ Tokyo Games ៕
-
សក្តានុពលសេដ្ឋកិច្ច និងភាពល្បីល្បាញរបស់ប្រទេសស្វីស
ស្វីស៖ ប្រទេសស្វីសបានជាប់ចំណាត់ជាប្រទេសមួយ ដែលមានសុភមង្គល និងសុវត្ថិភាពបំផុតលើពិភពលោក ជាហេតុនាំឱ្យប្រទេសនេះក្លាយជាតំបន់ទាក់ទាញ ភ្ញៀវទេសចរណ៍ និងជាកន្លែងប្រមូលផ្តុំធនាគារ និងទីស្នាក់ការអង្គការអន្តរជាតិសំខាន់ៗលើពិភពលោក ។ មិនតែប៉ុណ្ណោះដោយសារភាពអំណោយផលបែបនេះ ធ្វើឱ្យប្រទេសស្វីសក៏ជាកន្លែងសម្រាប់ការរៀបចំកិច្ចប្រជុំខ្នាតអន្តរជាតិផងដែរ ។ ខណៈពេលដែលប្រជាជនស្វីសមិនអួតពីទ្រព្យសម្បត្តិរបស់ពួកគេ ប្រទេសនេះជារឿយៗនៅក្នុងសារព័ត៌មានសេដ្ឋកិច្ចបានចុះផ្សាយថា ជាប្រទេសដែលមានជាងគេបំផុតនៅលើពិភពលោក ហើយជាមួយនឹងផលិតផលក្នុងស្រុកសរុបខ្ពស់បំផុតសម្រាប់មនុស្សម្នាក់ជាង ៨ ម៉ឺនដុល្លារអាមេរិក ។ ដោយមានប្រវត្តិ និងទីតាំងជាតិសាសន៍ពិសេសរបស់ខ្លួន ស្វីសបានទទួលកេរ្តិ៍ឈ្មោះល្បីល្បាញក្នុងវិស័យហិរញ្ញវត្ថុអន្តរជាតិ ។ ផលិតផលលំដាប់កំពូលៗរបស់ប្រទេសស្វីស ក្នុងនោះមានម៉ាកនាឡិកាប្រណិតដូចជា Rolex, Richard Mille និងម៉ាកសូកូឡាលំដាប់ខ្ពស់ដូចជា LINDT និង TOBLERONE ជាដើម ។ ស្វីសក៏ជាប្រទេសមានស្ថិរភាព ភាពរីកចម្រើនរុងរឿង កំណើនសេដ្ឋកិច្ចខ្ពស់ និងមានភាពស្តុកស្តម្ភ រហូតត្រូវបានគេចាត់ទុកជាប្រទេសដែលមានកម្រិត GDP របស់ប្រជាពលរដ្ឋខ្ពស់ជាងគេ ។ តំបន់ Zurich បានក្លាយជាជម្រកសម្រាប់មនុស្សរស់នៅ១.៥លាននាក់ និង១៥០ក្រុមហ៊ុន ដែលជាមជ្ឈមណ្ឌលសេដ្ឋកិច្ចដ៏មានសារៈសំខាន់ជាងគេបំផុតលើពិភពលោក ។ ប្រទេសស្វីសក៏បានជាប់ចំណាត់ថ្នាក់ជាប្រទេសដែលមានថាមពលសេដ្ឋកិច្ចខ្លាំងបំផុតផងដែរលើពិភពលោក ។ ឧស្សាហកម្មបានក្លាយជាផ្នែកដ៏សំខាន់មួយ ក្នុងការជម្រុញវិស័យសេដ្ឋកិច្ចប្រទេសស្វីស ។ ផលិតផលឧស្សាហកម្មសំខាន់ៗរួមមាន សាធារគីមី…
-
នាយករដ្ឋមន្ត្រីថៃត្រូវបានតុលាការបង្គាប់ឲ្យដកបំរាមលើប្រព័ន្ធផ្សព្វផ្សាយ ជាបន្ទាន់
តុលាការស៊ីវិល នាថ្ងៃសុក្រទី៦ សីហា ២០២១នេះបានបញ្ជាឲ្យនាយករដ្ឋមន្ត្រី ប្រាយុទ្ធ ចាន់អូចា លើកលែងការរឹតបន្តឹងទាំងអស់ លើបំរាមចំពោះប្រព័ន្ធផ្សព្វផ្សាយធ្វើព័ត៌មានដែលប្រហែលជាញុះញង់ឱ្យមានការភ័យខ្លាចជាសាធារណៈឬប៉ះពាល់ដល់ស្ថិរភាពជាតិ។ វិធានការរឹតបន្តឹងនេះត្រូវបានដាក់ចេញ ដោយយោងតាមច្បាប់ដាក់ប្រទេសក្នុងគ្រាអាសន្ន ហើយបានមានសពុលភាពកាលពីថ្ងៃទី៣០ កក្កដា។ ក្រុមបណ្តាញអ្នកសារព័ត៌មានបានដាក់ញត្តិប្តឹងទៅតុលាការ ប្រឆាំងនឹងវិធានការនេះ កាលពីថ្ងៃទី២ សីហា មុនពេលមានការឆ្លើយតបពីតុលាការនាពេលនេះ៕ ប្រភពពី The Nation
-
ធ្លាក់យន្តហោះស្លាប់មនុស្សទាំងអស់ នៅសហរដ្ឋអាមេរិក
យន្តហោះទេសចរណ៍មួយគ្រឿងបានធ្លាក់ កាលពីថ្ងៃព្រហស្បតិ៍ ទី៥ សីហា ២០២១ នៅរដ្ឋអាឡាស្កា សហរដ្ឋអាមេរិកដោយបានសម្លាប់មនុស្សទាំង ៦ នាក់នៅលើយន្តហោះរួមទាំងអ្នកបើកយន្តហោះនិងអ្នកដំណើរ ៥ នាក់។ បំណែកយន្តហោះត្រូវបានរកឃើញ នៅតំបន់ភ្នំពេញ មានចម្ងាយប្រមាណ១៩គីឡូម៉ែត្រ ពីក្រុង Ketchikan ។ យន្តហោះដែលធ្លាក់នេះគឺជាប្រភេទ DeHavilland DHC-2 Beaver។ មិនទាន់មានព័ត៌មានបញ្ជាក់ពីមូលហេតុនៃការធ្លាក់យន្តហោះមួយគ្រឿងនេះនៅឡើយទេ៕
-
វៀតណាមបានវ៉ាក់សាំង AstraZeneca ១១លាន៥សែនដូស ត្រឹមថ្ងៃនេះ
វ៉ាក់សាំងប្រភេទ AstraZeneca ចំនួន៥៩២១០០ដូសទៀតត្រូវបានបញ្ជូនទៅដល់ទីក្រុងហូជីមិញ ប្រទេសវៀតណាម នាព្រឹកថ្ងៃទី៦ សីហា ២០២១។ គឺជាបាច់ទី៧ ក្នុងចំណោម៣០លានដូស ក្រោមកុងត្រាបញ្ជាទិញរវាងក្រុមហ៊ុន AstraZeneca និងក្រុមហ៊ុនវៀតណាម VNVC ខណៈបាច់មុនៗត្រូវបានបញ្ជូនទៅដល់ កាលពីខែកុម្ភៈ ឧសភា និងកក្កដា។ វ៉ាក់សាំង AstraZeneca ប្រមាណ១១.៥លានដូសហើយដែលត្រូវបានបញ្ជូនទៅដល់វៀតណាម តាមរយៈកុងត្រាទិញផង យន្តការកូវ៉ាល់ និងជំនួយបរទេសផង ដែលស្មើនឹងប្រមាណ៦២ភាគរយដែលខ្លួនមានវ៉ាក់សាំងសរុប។ វៀតណាមបានចាក់វ៉ាក់សាំងកូវីដ ជាង៨លាននាក់ហើយ មកទល់ពេលនេះ ជាង៨២ម៉ឺននាក់ចាក់ដូសទី២៕
-
ក្រុមហ៊ុនទេសចរណ៍អវកាស Virgin Galactic ចាប់ផ្តើមលក់សំបុត្រធ្វើដំណើរទៅលេងទីអវកាសសាជាថ្មីទៀត ក្នុងតម្លៃចាប់ពី៤៥ម៉ឺនដុល្លារឡើងទៅ (មានវីដេអូ)
អន្តរជាតិ៖ បន្ទាប់ពីយន្តហោះរ៉ុក្កែតរបស់មហាសេដ្ឋីអង់គ្លេសលោក Richard Branson ទទួលជោគជ័យក្នុងការសាកល្បងហោះហើរដោយមានមនុស្សជិះជាលើកដំបូងរួចមក ក្រុមហ៊ុនទេសចរណ៍អវកាស Virgin Galactic បានចាប់ផ្តើមបើកលក់សំបុត្រសាជាថ្មីទៀត សម្រាប់ការហោះហើរទៅលេងនៅទីអវកាស ជាមួយនឹងតម្លៃចាប់ពី៤៥ម៉ឺនដុល្លារឡើងទៅក្នុងមួយកៅអី ។តម្លៃថ្មីនេះ គឺកើនឡើងប្រហែលទ្វេដងពី ២០ម៉ឺន ទៅ ២៥ម៉ឺនដុល្លារដែលបានចំណាយដោយមនុស្សប្រហែល៦០០នាក់ដែលបានកក់កន្លែងអង្គុយនៅលើយានអវកាស Virgin នៅចន្លោះឆ្នាំ ២០០៥ និង ២០១៤ ខណៈដែលក្រុមហ៊ុននេះកំពុងឆក់យកឱកាសកើបប្រាក់ពីភាពជោគជ័យ ក្នុងការសាកល្បងហោះហើរដោយមានមនុស្សជិះជាលើកដំបូងកាលពីខែមុន ។ នាយកប្រតិបត្តិលោក ម៉ៃឃើល ខូលក្លាស័រ បញ្ជាក់ថា ក្រុមហ៊ុនបានចាប់ផ្តើមការលក់ឡើងវិញ ដើម្បីទាញយកអត្ថប្រយោជន៍ពីការកើនឡើងនៃចំណាប់អារម្មណ៍របស់អតិថិជន បន្ទាប់ពីការហោះហើររបស់លោក Branson ដែលបានផ្តួលមហាសេដ្ឋី ជេហ្វ បេហ្សូស ដែលជាគូប្រជែង និងយាន Blue Origin របស់គាត់ចូលទៅទីអវកាសបានមុនចំនួនប្រាំបួនថ្ងៃ ។លោក ខូលក្លាស័រ បន្ថែមថា ការហោះហើរសាកល្បងលើកក្រោយនឹងធ្វើឡើងនៅខែកញ្ញា ហើយមានការចូលរួមពីសមាជិកនៃកងទ័ពអាកាសអ៊ីតាលី លោកថា នឹងមានការធ្វើតេស្តមួយបន្ថែមទៀត បន្ទាប់ពីបេសកកម្មនៅខែកញ្ញា ក្រោយមកជើងហោះហើរពាណិជ្ជកម្មដំបូង នឹងប្រព្រឹត្តទៅនៅត្រីមាសទី៣ ឆ្នាំ ២០២២ ៕ ប្រភព៖ Bangkok…
-
អ្នកជំនាញកំពូលផ្នែកជំងឺឆ្លងអាមេរិក៖ សហរដ្ឋអាមេរិកមានផែនការចាក់វ៉ាក់សាំងបង្ការ Covid-19 ដូសទី៣ដល់ប្រជាជនងាយរងគ្រោះ (មានវីដេអូ)
អាមេរិក៖ សហរដ្ឋអាមេរិកបាននិងកំពុងសិក្សាលើការចាក់វ៉ាក់សាំងបង្ការជំងឺកូវីដ១៩បន្ថែម ឬដូសទី៣ដល់ប្រជាជនខ្លួនដើម្បីបង្កើនប្រព័ន្ធភាពស៊ាំអោយបានឆាប់តាមដែលអាចធ្វើទៅបាន ខណៈដែលករណីឆ្លងនៃវីរុសដ៏កាចសាហាវមួយនេះនៅតែបន្តកើនឡើងខ្លាំង នេះបើតាមការបញ្ជាក់របស់អ្នកជំនាញ់កំពូលផ្នែកជំងឺឆ្លងអាមេរិក លោកវេជ្ជបណ្ឌិត អាន់តូនី ហ្វាវស៊ី ។លោក ហ្វាវស៊ី បាននិយាយប្រាប់អ្នកយកព័ត៌មានតាមទូរស័ព្ទថា វាមានសារៈសំខាន់ខ្លាំងណាស់សម្រាប់យើងក្នុងការផ្លាស់ប្តូរ ដើម្បីធ្វើឱ្យបុគ្គលទាំងនោះទទួលបានការចាក់វ៉ាក់សាំងដូសទី៣របស់ពួកគេ ហើយឥឡូវនេះយើងកំពុងធ្វើការលើបញ្ហានេះ… ។ លោកបន្តថា មនុស្សដែលមានប្រព័ន្ធភាពស៊ាំចុះខ្សោយ ទំនងជាមិនត្រូវបានការពារអោយបានគ្រប់គ្រាន់ ដោយការចាក់វ៉ាក់សាំងកូវីដដូសទី២របស់ពួកគេឡើយ ដោយលោកបានសង្កត់ធ្ងន់ថា ករណីឆ្លងកើនឡើងដែលបណ្តាលមកពីការរីករាលដាលនៃវីរុសបម្លែងថ្មី Delta នៅក្នុងសហរដ្ឋអាមេរិក អាចនឹងត្រូវបានផ្លាស់ប្តូរជាមួយនឹងការចាក់វ៉ាក់សាំងបន្ថែម (ដូសទី៣) ។គួរកត់សម្គាល់ សហរដ្ឋអាមេរិកបាននិងកំពុងចូលរួមជាមួយអាល្លឺម៉ង់ បារាំង និងអ៊ីស្រាអែល ដើម្បីផ្តល់ការចាក់វ៉ាក់សាំងបន្ថែម (ដូសទី៣)ជូនដល់ប្រជាជនខ្លួន ដោយមិនអើពើនឹងការអំពាវនាវរបស់អង្គការសុខភាពពិភពលោក (WHO) ដែលសុំអោយផ្អាកការចាក់វ៉ាក់សាំងបន្ថែមសិន រហូតទាល់តែមនុស្សនៅជុំវិញពិភពលោកបានទទួលការចាក់វ៉ាក់សាំងដូសដំបូងរបស់ពួកគេរួចរាល់ ៕ ប្រភព៖ Reutes
-
លោក ចូ បៃដិន ចុះហត្ថលេខាលើបញ្ជាប្រតិបត្តិមួយ ដែលមានគោលបំណងអោយពាក់កណ្តាលនៃការលក់រថយន្តថ្មីគឺជាប្រភេទអគ្គិសនីនៅត្រឹមឆ្នាំ២០៣០ (មានវីដេអូ)
អាមេរិក៖ ប្រធានាធិបតីអាមេរិកលោក ចូ បៃដិន បាននិងកំពុងកំណត់គោលដៅសម្រាប់ការលក់រថយន្តថ្មីរបស់សហរដ្ឋអាមេរិក ចំនួនពាក់កណ្តាលអោយក្លាយជារថយន្តអគ្គិសនីនៅត្រឹមឆ្នាំ២០៣០ ស្របពេលមានការរឹតបន្តឹងស្តង់ដាបំពុលបរិស្ថានសម្រាប់យានយន្ត និងរថយន្តដឹកទំនិញ ដែលនេះជាវិធានការដ៏ធំមួយ ដើម្បីកាត់បន្ថយផលប៉ះពាល់ដល់ភពផែនដីរបស់សហរដ្ឋអាមេរិក ។ សេតវិមានបានបង្ហាញពីផែនការរបស់ខ្លួន ក្នុងការដោះស្រាយវិបត្តិអាកាសធាតុ តាមរយៈការកាត់បន្ថយការបំភាយឧស្ម័នចេញពីយានយន្ត ដោយប្រធានាធិបតីអាមេរិកលោក ចូ បៃដិន បានចុះហត្ថលេខាលើបទបញ្ជាប្រតិបត្តិមួយ ដែលទាមទារអោយ៥០%នៃយានយន្ត និងរថយន្តដឹកទំនិញថ្មីទាំងអស់ដែលបានលក់នៅចុងទសវត្សនេះប្រើប្រាស់ថាមពលអាគុយ ។ ថ្លែងនៅឯសេតវិមានជាមួយថ្នាក់ដឹកនាំក្រុមហ៊ុនផលិតរថយន្តធំៗ និងសហជីព លោក បៃដិន បាននិយាយថាអនាគតនៃឧស្សាហកម្មរថយន្ត គឺ “ អគ្គិសនី ហើយមិនមានការថយក្រោយទេ” ។ សូមបញ្ជាក់ថា រដ្ឋបាលលោក ចូ បៃដិន បានដាក់សម្ពាធដល់ក្រុមហ៊ុនផលិតរថយន្ត ដើម្បីគាំទ្រការសន្យាស្ម័គ្រចិត្តយ៉ាងហោចណាស់៤០ភាគរយ នៃការលក់រថយន្តថ្មី ដែលជាអគ្គិសនីនៅត្រឹមឆ្នាំ ២០៣០ ខាងមុខ ដោយសារវាមានប្រសិទ្ធភាពក្នុងការកាត់បន្ថយការបំពុលឧស្ម័នផ្ទះកញ្ចក់ ៕ ប្រភព៖ The Gaurdian
-
អង្គការសហប្រជាជាតិ សម្តែងការព្រួយបារម្ភជាខ្លាំងចំពោះប្រទេស ខ្លះ ដែលទុកវ៉ាក់សាំងចោលមិនប្រើ (មានវីដេអូ)
-
ថៃបន្តរកឃើញអ្នកឆ្លង Covid-19 ថ្មីៗចំនួន២ម៉ឺន១ពាន់ ៣៧៩ ករណី និងស្លាប់ ១៩១នាក់ទៀត ក្នុងរបាយការណ៍ថ្ងៃសុក្រនេះ (មានវីដេអូ)
