ថៃ៖ ប្រព័ន្ធផ្សព្វផ្សាយរដ្ឋថៃបានរាយការណ៍ថា ក្រុមមុជទឹកថៃ និងអន្តរជាតិបាន ឈានដល់ចម្ងាយប្រមាណ២ទៅ៣គីឡូម៉ែត្រហើយ នៅក្នុងរូងភ្នំដែលមានទឹកជំនន់ ហូរចូល ដែលជាទីកន្លែងក្មេងៗកីឡាករបាល់ទាត់១២នាក់ និងគ្រូបង្វឹកម្នាក់របស់ ពួកគេបានជាប់នៅក្នុងនោះអស់រយៈពេល១សប្តាហ៍មកហើយ ដែលបានផ្តល់នូវក្តី សង្ឃឹមដ៏តិចតួចបំផុតសម្រាប់ការរុករកនេះ ។ ស្របពេលជាមួយគ្នានោះដែរ មេបញ្ជាការកងទ័ពជើងទឹកថៃលោក អាប៉ាខន យូគង់ កាវ បានសន្យាយ៉ាងមុតមំាថា នឹងបន្តចេញប្រតិបត្តិការរុករកបន្ថែមទៀត រហូត ទាល់តែរកឃើញក្មេងៗទំាង១២នាក់ និងគ្រួបង្វឹកកីឡាបាល់ទាត់ម្នាក់ទៀតត្រូវបាន រកឃើញ បើទោះបីជាត្រូវប្រឈមមុខនឹងឧបសគ្គលំបាកយ៉ាងណាក្តី ។ រហូតមក ទល់ពេលនេះ មិនមានការទាក់ទងណាមួយពីក្រុមក្មេងៗទាំងនោះនៅឡើយទេ ហើយបើតាមសេចក្តីរាយការណ៍នោះ ក្មេងៗដែលកំពុងបាត់ខ្លួនដោយអាថ៌កំបាំង នេះ មានអាយុចាប់ពី១១ដល់១៦ឆ្នាំ និងគ្រូបង្វឹករបស់ពួកគេម្នាក់ទៀត ចាប់តាំងពី បាននាំគ្នារុករកនៅក្នុងរូងភ្នំ ថាមលួង នងណុន ដែលស្ថិតនៅភាគខាងជើងប្រទេស កាលពីសប្តាហ៍មុន និងបានរារាំងមិនអាចចេញមកបានវិញ ដោយសារតែមានភ្លៀង ធ្លាក់ចុះយ៉ាងខ្លាំង ដោយបិទច្រកចូលរូងភ្នំនោះ ។ ក្រៅពីនេះ គេឃើញពលរដ្ឋថៃ បានធ្វើការបួងសួង និងសុំការខមាលទោសដល់ម្ចាស់ភ្នំផងដែរ ដើម្បីឲ្យធ្វើការដោះ លែងអ្នកបាត់ខ្លួនទាំងអស់អោយមកផ្ទះរបស់ពួកគេវិញ ដែលជាជំនឿអរូបិយមួយ របស់ពលរដ្ឋទាំងនៅក្នុងតំបន់ និងក្នុងទីក្រុងរបស់ប្រទេសថៃ…

ថៃ៖ នាយករដ្ឋមន្ត្រីថៃលោក លោក ប្រាយុទ្ធ ចាន់អូចា បានធ្វើដំណើរទស្សនៈកិច្ច ដោយផ្ទាល់ទៅដល់កន្លែងកើតហេតុ ដើម្បីចូលរួមផ្តល់កម្លាំងចិត្តដល់ក្រុមគ្រួសារ ដែលបានបោះជំរុំចំនួន២នៅខាងក្រៅរូងភ្នំនោះ ចាប់តាំងពីក្រុមក្មេងៗបាត់ខ្លួន កាលពីថ្ងៃ សៅរ៍ កន្លងទៅនេះ ។ ប៉ូលីសសង្គ្រោះថៃនៅថ្ងៃ សុក្រ នេះដែរ បានទំលាក់ប្រអប់សង្គ្រោះជីវិតរាប់សិប កញ្ចប់ទៅក្នុងរន្ធនានានៃល្អាងភ្នំ Tham Luang ដោយសង្ឃឹមថា កញ្ចប់នោះនឹង ទៅដល់អ្នកទាំង១៣ ដែលបានជាប់នៅក្នុងល្អាងអស់រយៈពេល៧ថ្ងៃមកហើយ ។ កញ្ចប់នេះ រួមមាន អាហារ ផែនទី និង ទូរសព្ទ័ដៃ វត្ថុបំភ្លឺផ្លូវ ហើយនៅក្នុងនោះ ក៏មានសារ ដែលសរសេរប្រាប់អោយអ្នកបាត់ខ្លួនទាំងនោះ តេទូរសព្ទ័មកក្រុម សង្គ្រោះ ដើម្បីបញ្ជាក់ពីទីតាំងរបស់ពួកគេ។ សមាគមខួងអណ្តូងទឹកថៃ បានរាយការណ៍នៅក្នុងថ្ងៃ សុក្រ នេះថា ឧបករណ៍ខួង អណ្តូងត្រូវបានដាក់ឲ្យដំណើរហើយ នៅក្នុងប្រតិបត្តិការដុតដៃដុតជើងមួយ ដើម្បី តាមរុករកយុវជនកីឡាករបាល់ទាល់ចំនួន១២នាក់ រួមទាំងជំនួយការគ្រូបង្វឹកម្នាក់ របស់ពួកគេ ដែលបានបាត់ដំណឹងយ៉ាងអាថ៌កំបាំងនៅក្នុងល្អាងភ្នំ ដែលត្រូវទឹកជន់ លិចនៅខេត្តឈៀងរ៉ៃ…

សហរដ្ឋអាមេរិក៖ ប្រព័ន្ធផ្សព្វផ្សាយសហរដ្ឋអាមេរិកបានអោយដឹងថា ហេតុការណ៍ បាញ់ប្រហារថ្មីមួយ បានកើតឡើងនៅឯទីស្នាក់ការសារព័ត៌មានកាសែតកាពីតូល ក្នុងទីក្រុងអាន់ណាប៉ូលីស រដ្ឋម៉ារីឡេន នៅល្ងាចថ្ងៃ ព្រហស្បត្តិ៍ សប្តាហ៍នេះ (ម៉ោង ក្នុងតំបន់) ដែលជាលទ្ធផលនោះ ធ្វើអោយមនុស្ស៥នាក់បាត់បង់ជីវិត ។ ស្របពេល ជាមួយគ្នានេះ ប្រធានាធិបតីអាមេរិកលោក ដូណាល់ ត្រាំ ក៏បានចូលរួមសម្ដែង មរណៈទុក្ខដល់ក្រុមគ្រួសារសាច់ញាតិជនរងគ្រោះផងដែរ ។ បើតាមសេចក្តីរាយការណ៍របស់អាជ្ញាធរក្នុងតំបន់ ករណីផ្ទុះប្រដាប់អាវុធនេះដែរ ក៏បានបណ្តាលអោយជនរងគ្រោះ៣នាក់ផ្សេងទៀតទទួលរងរបួសផងដែរ ដោយ ជនសង្ស័យម្នាក់មានអាយុប្រហែល៣០ឆ្នាំត្រូវប៉ូលីសចាប់ខ្លួន ខណៈមនុស្សជាង ១៧០នាក់ត្រូវបានគេជម្លៀសចេញពីអគារស្នាក់ការកាសែតនេះ ទៅកាន់កន្លែងមាន សុវត្ថិភាព ។ នៅពេលត្រូវចាប់ខ្លួន ជនសង្ស័យបានបដិសេធសហការជាមួយអាជ្ញា ធរ ដោយរូបគេបានបំផ្លាញម្រាមដៃរបស់ខ្លួន ដើម្បីគេចវេសពីការបញ្ជាក់អត្ត សញ្ញាណ ហើយប៉ូលីសជឿជាក់ថា ជនសង្ស័យរូបនេះធ្វើសកម្មភាពតែម្នាក់ឯង ប៉ុណ្ណោះ ។ ភ្លាមៗនោះមិនទាន់មានការអះអាងណាមួយ ពាក់ព័ន្ធនឹងមូលហេតុនៅពីក្រោយការ បាញ់ប្រហារនេះនៅឡើយទេ ដោយគ្រាន់តែប៉ូលីសបញ្ជាក់ថា ការបាញ់ប្រហារនេះ គឺជាការវាយប្រហារមានគោលដៅច្បាស់លាស់ ដោយមានសារព្រមានមួយផ្ញើទៅ កាសែតកាពីតូល មុននឹងករណីបាញ់ប្រហារនេះកើតឡើង ៕

រុស្ស៊ី៖ ប្រធានាធិបតីរុស្ស៊ីលោក វ៉្លាឌីមៀ ពូទីន បានគួសបញ្ជាក់ថា ការធ្វើទំនើបកម្មលើសព្វាវុធរបស់កងទ័ពរុស្ស៊ី នឹងសម្រេចបានគោលដៅដែលកំណត់ទុកនៅឆ្នាំ ២០២១ខាងមុខនេះ គឺរហូតដល់ទៅ៧០ភាគរយនៃចំនួនសព្វាវុធសរុបទាំងអស់ ហើយថា ការធ្វើទំនើបកម្មលើសព្វាវុធនេះ គឺសម្រេចបាន៦០ភាគរយហើយ ។ អំឡុងពេលប៉ុន្មានឆ្នាំចុងក្រោយនេះ រុស្ស៊ីបាននឹងកំពុងធ្វើទំនើបកម្មយ៉ាងសកម្មទៅ លើបរិក្ខាយោធា និងសព្វាវុធរបស់ខ្លួន ហើយបើតាមគម្រោងវិស័យយោធាសម្រាប់ ឆ្នាំ២០១៨ដល់ឆ្នាំ២០២៧របស់រុស្ស៊ីនោះ រុស្ស៊ីគ្រោងនឹងចំណាយលុយ៣១៨ពាន់ លានដុល្លារអាមេរិក ដើម្បីកែលម្អបរិក្ខា និងសព្វាវុធយោធា ។ ប្រធានាធិបតីរុស្ស៊ីរូបនេះ បានសង្កត់ធ្ងន់ថា ចំនួនបរិក្ខាយោធា និងសព្វាវុធទំនើបៗនៅក្នុងជួរកងទ័ពរុស្ស៊ីនាពេលបច្ចុប្បន្ន គឺជិត៦០ភាគរយហើយ ខណៈកាលពី៦ឆ្នាំ មុន គឺរុស្ស៊ីមានសព្វាវុធថ្មីៗ និងទំនើបៗមិនដល់១៦ភាគរយនោះឡើយនៅក្នុងជួរ កងទ័ពរបស់ខ្លួន ដែលប្រការនេះបានបង្ហាញថា ក្នុងរយៈពេលតែ៦ឆ្នាំ កងទ័ពរុស្ស៊ី មានការអភិវឌ្ឍន៍ផ្នែកសព្វាវុធខ្លាំងក្លាបំផុត ៕  

សហរដ្ឋអាមេរិក៖ សេតវិមាន និងវិមានក្រឹមឡាំងបានអះអាងជាផ្លូវការថា ជំនួប កំពូលរវាងប្រធានាធិបតីអាមេរិកលោក ដូណាល់ ត្រាំ និងប្រធានាធិបតីរុស្ស៊ី លោក វ្ល៉ាឌីមៀ ពូទីន នឹងត្រូវប្រារព្វឡើងនៅក្នុងទីក្រុងហ៊ែលស៊ីងគី ប្រទេសហ្វាំងឡង់នៅថ្ងៃទី១៦ ខែកក្កដាខាងមុខនេះ ។ ការប្រកាសពីជំនួបរវាងមេដឹកនំាប្រទេសទំាងពីរ បានកើតឡើងក្រោយទីប្រឹក្សា សន្ដិសុខជាតិអាមេរិកលោក ចន បូលតុន បានជួបពិភាក្សាការងារជាមួយប្រធានា ធិបតីរុស្ស៊ីលោក វ៉្លាឌីមៀ ពូទីន នៅក្នុងទីក្រុងម៉ូស្គូ ខណៈលោក ពូទីន ផ្ទាល់បាន សង្ឃឹមថា ដំណើរទស្សនៈកិច្ចរបស់លោក បូលតុន នឹងជួយឱ្យទំនាក់ទំនងរវាង សហរដ្ឋអាមេរិក និងរុស្ស៊ីវិលទៅភាពប្រក្រតីឡើងវិញ ។យោងតាមសេតវិមាន និងវិមានក្រឹមឡាំងបានអោយដឹងថា មេដឹកនាំប្រទេសទាំង ពីរនឹងពិភាក្សាគ្នាស្តីអំពីស្ថានភាពបច្ចុប្បន្ន និងអនាគតនៃទំនាក់ទំនងរវាងរុស្ស៊ី និងសហរដ្ឋអាមេរិក ព្រមទាំងបញ្ហាសន្តិសុខអន្តរជាតិ ហើយប្រធានបទនៃជំនួប កំពូលនេះដែរ ក៏អាចនឹងផ្ដោតសំខាន់ទៅលើស្ថានភាពនៅភាគខាងកើតប្រទេស អ៊ុយក្រែន និងសង្រ្គាមនៅក្នុងប្រទេសស៊ីរី ៕

ថៃ៖ ប្រព័ន្ធផ្សព្វផ្សាយរដ្ឋថៃបានរាយការណ៍ថា ក្រុមអ្នកជំនាញរុករកក្រោមរូងភ្នំបីនាក់ មកពីអង់គ្លេសកំពុងចូលរួមក្នុងប្រតិបត្តិការជួយសង្រ្គោះ និងតាមស្វែងរកក្មេងៗទំាង១២ នាក់ និងគ្រូបង្វឹកបាល់ទាត់របស់ពួកគេម្នាក់សរុបចំនួន១៣នាក់ ដែលបានបាត់ខ្លួនយ៉ាងអាថ៌កំបាំងក្នុងរូង ភ្នំមួយនៅខេត្តឈៀងរ៉ៃ ចាប់តាំងពីថ្ងៃ សៅរ៍ សប្តាហ៍មុនមក ។ ក្មេងៗទាំងនេះមានអាយុចន្លោះពី១១ឆ្នាំដល់១៦ឆ្នាំ ហើយគ្រូបង្វឹកបាល់ទាត់របស់ពួកគេ មានអាយុ២៥ឆ្នាំ ត្រូវបានគេរាយការណ៍ថា មិនអាចចាកចេញពីរូងភ្នំនេះបានឡើយ នៅ មុនពេលមានទឹកជន់លិចដោយសារតែភ្លៀងធ្លាក់ខ្លាំង ខណៈរដ្ឋាភិបាលថៃបានដាក់ ពង្រាយទាហានរបស់ខ្លួនច្រើនជាង១.០០០នាក់ អោយទៅគំាទ្រក្រុមអ្នកជួយសង្រ្គោះ ទាំង១២ក្រុមផងដែរ ហើយការបាត់ខ្លួនរបស់ជងរងគ្រោះបានឈានចូលដល់ថ្ងៃទី៦ ហើយ ។ ជុំវិញបញ្ហានេះ រដ្ឋមន្ត្រីមហាផ្ទៃថៃលោក អនុពង្ស ផាវចិន្តា បានឱ្យដឹងថា ក្រុម អ្នកជួយសង្រ្គោះកំពុងចាប់ផ្តើមជីកប្រហោងមួយចូលទៅកាន់រូងភ្នំ ដើម្បីចូលទៅដល់ កន្លែងអ្នកបាត់ខ្លួន ។ ដោយឡែកក្រុមអ្នកជំនាញរុករកក្រោមល្អាងភ្នំបីនាក់មកពីអង់គ្លេស ដែលមកដល់ប្រទេសថៃកាលពីថ្ងៃពុធ  រួមទាំងក្រុមកុម្ម៉ង់ដូពិសេសអាមេរិក សៀល ក៏ កំពុងចូលរួមក្នុងប្រតិបត្តិការជួយសង្រ្គោះនេះដែរ ជាមួយក្ដីរំពឹងថា អាចនឹងរកឃើញ អ្នកបាត់ខ្លួនទាំងនោះឆាប់ៗនេះ ។សូមរំលឹកថា ក្មេងៗជំទង់១២នាក់ដែលជាកីឡាករបាល់ទាត់មកពីក្លឹប មូប៉ា និងគ្រូ បង្វឹកបាល់ទាត់របស់ពួកគេម្នាក់ទៀតបានបាត់ខ្លួនយ៉ាងអាថ៌កំបាំង កាលពីថ្ងៃ សៅរ៍សប្តាហ៍មុនមកម្ល៉េះ…

សហរដ្ឋអាមេរិក៖ ថ្លែងក្នុងសវនាការព្រឹទ្ធសភានៅក្នុងថ្ងៃ ពុធ សប្តាហ៍នេះ រដ្ឋមន្រ្តី ការបរទេសអាមេរិកលោក ម៉ៃ ប៉ុមប៉េអូ បានលើកឡើងថា រដ្ឋាភិបាលក្រុងព្យុង យ៉ាង បានយល់ជ្រួតជ្រាបអំពីចំណាត់ការ ដែលរដ្ឋាភិបាលក្រុងវ៉ាស៊ីនតោនចង់បាន ទាក់ទិនទៅនឹងការរំសាយអាវុធនុយក្លេអ៊ែរ ។ ស្របពេលជាមួយគ្នានោះដែរ លោក ម៉ៃ ប៉ុមប៉េអូ បានបកស្រាយថា សហរដ្ឋអាមេ រិក និងកូរ៉េខាងជើងបាននឹងកំពុងបន្តធ្វើការចចារគ្នាបន្ថែមទៀត បន្ទាប់ពីជំនួប កំពូលជាប្រវត្តិសាស្រ្តរវាងប្រធានាធិបតីសហរដ្ឋអាមេរិកលោក ដូណាល់ ត្រាំ និង មេដឹកនំាកូរ៉េខាងជើងលោក គីម ជុងអ៊ុន នៅប្រទេសសង្ហិបុរី កន្លងមកនេះ ។ ប្រមុខការទូតសហរដ្ឋអាមេរិករូបនេះ បានគួសបញ្ជាក់ថា កូរ៉េខាងជើងបានយល់ យ៉ាងច្បាស់ពីវិសាលភាពនៃការស្នើសុំរបស់សហរដ្ឋអាមេរិក ដែលធ្វើឡើងដោយ គោរពតាមការលុបបំបាត់អាវុធនុយក្លេអ៊ែរ ហើយថា សហរដ្ឋអាមេរិកក៏កំពុងធ្វើតាម ការប្តេជ្ញាចិត្តរបស់ខ្លួន ដោយលើកឡើងពីសេចក្តីសម្រេចរបស់សហរដ្ឋអាមេរិក ក្នុង ការលុបចោលសមយុទ្ធយោធារួមគ្នាជាមួយកូរ៉េខាងត្បូង ដែលត្រូវបានកំណត់ សម្រាប់ខែ សីហាខាងមុខនេះ ៕

សហរដ្ឋអាមេរិក៖ ប្រធានាធិបតីសហរដ្ឋអាមេរិកលោក ដូណាល់ ត្រាំ បាននិយាយ ថា រូបលោកអាចនឹងជួបជាមួយសមភាគីរុស្ស៊ីលោក វ៉្លាឌីមៀ ពូទីន ក្នុងអំឡុង ដំណើរទស្សនៈកិច្ចរបស់លោកទៅកាន់តំបន់អឺរ៉ុបនាខែកក្កដា ខាងមុខនេះ ។លោក ដូណាល់ ត្រាំ បានថ្លែងប្រាប់អ្នកយកព័ត៌មាននៅឯសេតវិមានបែបនេះ ស្រប ពេលជួបពិភាក្សាជាមួយ ប្រធានាធិបតីព័រទុយហ្កាល់លោក ម៉ាសែលឡូ រ៉េបេឡូ ឌឹ ស៊ូហ្ស៊ា ក្នុងអំឡុងដំណើរទស្សនៈកិច្ចមកកាន់រដ្ឋធានីវ៉ាស៊ីនតោន នារសៀលថ្ងៃ ពុធ សប្តាហ៍នេះ ។ លោក ត្រាំ បានគូសបញ្ជាក់ទៀតថា បើសិនជាជំនួបរវាងលោក និង លោក ពូទីន កើតឡើងមែននោះ របៀបវារៈនៃកិច្ចពិភាក្សានេះ នឹងផ្តោតសំខាន់ទៅ លើបញ្ហាវិបត្តិនៅស៊ីរី និងអ៊ុយក្រែន ។ ចំនែកឯទីតំាងនៃជំនួបនេះដែរ ត្រូវបានគេ រាយការណ៍ថា ទំនងជាប្រារព្វឡើងនៅក្នុងទីក្រុង ហ៊ែលស៊ីងគី ប្រទេសហ្វំាងឡង់ ឬក៏ទីក្រុងវីយ៉ែន ប្រទេសអូទ្រីស ។ ដោយឡែកអ្នកនំាពាក្យវិមានក្រឹមឡំាងរបស់រុស្ស៊ី បានលើកឡើងថា ប្រធានាធិបតី…