លោកឧត្តមសេនីយ៍ត្រី សាត គឹមសាន ស្នងការដ្ឋាននគរបាលខេត្តបាត់ដំបង បានដឹកនាំកងកម្លាំងចម្រុះចំណុះស្នងការដ្នានចុះធ្វើអនាម័យលាងសម្អាតនៅលើកំណាត់ដងផ្លូវក្រាលបេទីមអមសងខាងតាមដងស្ទឹង និងស្ពានថ្មឆ្លងស្ទឹងសង្កែ លើកំណាត់ផ្លូវជាតិលេខ៥ ក្នុងភូមិសាស្ត្រ ក្រុង-ខេត្តបាត់ដំបង នៅព្រឹកថ្ងៃទី១៧ ខែវិច្ឆិកា២០២០ នេះ។ ធ្វើការអនាម័យលាងសម្អាតនៅតាមដងផ្លូវនិងស្ពានខាងលើនេះ គឺក្នុងគោលបំណងដើម្បីរួមចំណែកជាមួយរដ្ឋបាលខេត្ត ក្នុងការរក្សាអនាម័យ និង សម្អាតនៅតាមដងផ្លូវសំខាន់ៗនៃទីប្រជុំជនក្រុង-ខេត្តបាត់ដំបង ឲ្យមានអនាម័យ បរិស្ថានល្អ សម្រាប់បម្រើដល់វិស័យទេសចរណ៍ជាតិអន្តរជាតិដែលធ្វើដំណើរឆ្លងកាត់ទៅមក កាត់តាមទីប្រជុំជនទីក្រុងនេះ និងចង់ថែរក្សាកំណាត់ផ្លូវនានាក្នុងក្រុងបាត់ដំបង ឲ្យមានអនាម័យល្អ ប្រកបដោយបរិស្ថានល្អនៅតាមផ្លូវទាំងនោះ ដោយគ្មានធូលីដីកកស្ទះនៅលើផ្លូវ និងហុយពេលខ្យល់បក់បោក។និងដើម្បីជាការទាក់ទាញដល់ភ្ញៀវទេសចរណ៍ជាតិ អន្តរជាតិដែលចូលមកកំសាន្តនិងស្នាក់នៅក្នុងខេត្ត។ ក៏បានគូសបញ្ជាក់ឲ្យដឹងបន្ថែមផងដែរថា៖ នេះគឺជាចំណុចចាប់ផ្តើម ដែលលោកបានដឹកនាំ កងកម្លាំងក្នុងការចុះសម្អាតនៅលើដងផ្លូវក្នុងទីប្រជុំជនក្រុងសំខាន់ៗ ដែលបម្រើដល់វិស័យទេសចរណ៍ក្នុងខេត្ត និងដើម្បីលើកកម្ពស់នូវបរិស្ថានតាមដងផ្លូវទាំងនោះឲ្យកាន់តែមានភាពទាក់ទាញដល់ភ្ញៀវទេសចរណ៍បានកាន់តែល្អប្រសើរឡើងថែមទៀតហើយការដឹកនាំកម្លាំងស្នងការដ្ឋានចុះលាងសម្អាតផ្លូវទាំងនេះ ធ្វើជាបន្តបន្ទាប់តាមពេលវេលាសមស្របណាមួយ សម្រាប់ថ្ងៃខាងមុខផងដែរ។លោកស្នងការដ្ឋាននគរបាលខេត្តបាត់ដំបង ឧត្តមសេនីយ៍ត្រី សាត គឹមសាន ក៏បានអំពាវនាវដល់ប្រជាពលរដ្ឋ សូមបើកបរយានជំនិះនិង ធ្វើចរាចរនៅលើដងផ្លូវសូមនាំគ្នាគោរពច្បាប់ចរាចរណ៍ផ្លូវគោក និងពាក់មួកសុវត្ថិភាពឲ្យបានគ្រប់ៗគ្នាដើម្បីរក្សាអាយុជីវិតខ្លួនឯង និងអ្នកដទៃ៕( អត្ថបទ-រូបភាព៖ អ៊ុក សំអាន បប )

   ក្នុងឱកាសអញ្ជើញជាអធិបតី ក្នុងពិធីចែកពូជបន្លែដល់ប្រជាពលរដ្ឋដែលទទួលរងផលប៉ះពាល់ដោយជំនន់ទឹកភ្លៀងកន្លងមក និង មានជីវភាពក្រីក្រ ប្រមាណជាង៧៥០គ្រួសារ រស់នៅក្នុងស្រុកគាស់ក្រឡ ខេត្តបាត់ដំបង ហើយដែលត្រូវទទួលបាននូវពូជបន្លែចំនួន៧មុខ ដែលមានតម្លៃប្រមាណជា២០ដុល្លារ ពីកម្មវិធី នៃគម្រោង “កញ្ចប់មួយ ក្តីស្រឡាញ់មួយ” និងជា(គ្រាប់ពូជដើម្បីជីវិត)ដើម្បីយកទៅដាំដុះក្នុងការស្ដារជីវភាពគ្រួសាររបស់ខ្លួនឡើងវិញ ក្រោយពីទឹកជំនន់ស្រកហើយនោះ។     ក្នុងនោះឯកឧត្តម ងួន រតនៈ អភិបាលខេត្តបាត់ដំបង បានថ្លែងអំពាវនាវដល់ប្រជាពលរដ្ឋក្នុងខេត្តជាពិសេសបងប្អូនជនរួមជាតិ ត្រូវចេះស្រឡាញ់គ្នាត្រូវចេះជួយគ្នា ក្នុងគ្រាជួបការលំបាក និងបញ្ហាប្រឈមដោយគ្រោះធម្មជាតិផ្សេងៗ ដែលបានយាយីដល់អាយុជីវិតនិងការរស់នៅប្រចាំថ្ងៃរបស់បងប្អូនកន្លងមក។ ការថ្លែងបែបនេះ ដោយឯកឧត្តមបានធ្វើការកត់សម្គាល់ តាមរយៈការជួយគ្នាដោយទឹកចិត្តមនុស្សធម៌ ដោយកម្លាំងមនុស្សធម៌ និងពីការចូលរួមគ្រប់ទិសទីរបស់បងប្អូន ក្នុងការជួយដល់សង្គមនូវស្បៀងអាហារផ្សេងៗ ក្នុងគ្រាដែលប្រជាជនយើងរងគ្រោះដោយទឹកជំនន់កន្លងមកនេះនិងសូមឲ្យសន្តានចិត្តនៃការស្រឡាញ់និងចេះជួយគ្នាបែបនេះបន្តកើតមានក្នុងសង្គមជាតិយើងជារៀងរហូត។      សូមបញ្ជាក់ថាពូជបន្លែដែលបានចែកជូនប្រជាពលរដ្ឋ នៅព្រឹកថ្ងៃទី១៦ខែវិច្ឆិកា ឆ្នាំ២០២០នេះ ប្រព្រឹត្តទៅក្រោមអធិបតីភាពឯកឧត្តម ងួន រតនៈ អភិបាលខេត្តបាត់ដំបង ហើយពូជបន្លែទាំងនេះគឺឧបត្ថម្ភដោយសភាយុវពាណិជ្ជកម្មអន្តរជាតិកម្ពុជា(JCI)  រួមនិង សហព័ន្ធស្រូវអង្ករកម្ពុជា ដែលមាន លោកឧកញ៉ា ឡេង សុខគា ជាប្រធានផ្លាស់វេននៃសភាយុវពាណិជ្ជកម្ម អន្តរជាតិកម្ពុជា ឆ្នាំ២០២០ និង លោកឧកញ៉ា ច្រាយ សុន…

(ភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជានៅយប់ថ្ងៃទី១៤ ខែវិច្ឆិកា ឆ្នាំ២០២០នេះ បានផ្ញើលិខិតផ្លូវការពិសេសមួយជូនឯកឧត្តម ថងលុន ស៊ីសុលីត នាយករដ្ឋមន្រ្តីនៃសាធារណរដ្ឋប្រជាធិបតេយ្យប្រជាមានិតឡាវ ដោយថ្លែងអំណរគុណចំពោះការហៅទូរស័ព្ទសួរសុខទុក្ខរបស់សម្តេចប្រមុខរាជរដ្ឋាភិបាលកម្ពុជា ដែលកំពុងស្ថិតនៅក្នុងការធ្វើចត្តាឡីស័ក។ នៅក្នុងលិខិត សម្តេចតេជោនាយករដ្ឋមន្រ្តី បានបញ្ជាក់អំពីការជួយឧបត្ថម្ភរបស់កម្ពុជា ជូនមិត្តឡាវ នូវម៉ាសចំនួន២លាន និងបរិក្ខាពេទ្យមួយចំនួន។នៅក្នុងលិខិតរបស់សម្តេចអគ្គមហាសេនាបតីតេជោ ហ៊ុន សែន មានប្រសាសន៍ថា «តាងនាមនៃរាជរដ្ឋាភិបាលនៃព្រះរាជាណាចក្រកម្ពុជា ខ្ញុំសូមធ្វើការបរិច្ចាគនូវម៉ាសចំនួន២លាន និងសម្ភារៈវិជ្ជសាស្រ្តមួយចំនួនទៀត ដូចមានក្នុងបញ្ជីរាយនាម ជូនដល់រដ្ឋាភិបាល និងប្រជាជននៃសាធារណរដ្ឋប្រជាធិបតេយ្យប្រជាមានិតឡាវ។ ទន្ទឹមនេះខ្ញុំក៏សូមចាត់តាំងលោកជំទាវ យក់ សម្បត្តិ រដ្ឋលេខាធិការ ក្រសួងសុខាភិបាល ដើម្បីនាំយកអំណោយខាងលើ ទៅទីក្រុងវៀងច័ន្ទ នាព្រឹកថ្ងៃច័ន្ទសប្តាហ៍ក្រោយ តាមជើងយន្តហោះពិសេស។ជាមួយគ្នានេះដែរ សម្តេចតេជោ នាយករដ្ឋមន្រ្តីបានបញ្ជាក់ពីជំនឿយ៉ាងមុតមាំថា ក្រោមការដឹកនាំដ៏ឈ្លាសវៃរបស់ឯកឧត្តម ថងលុន ស៊ីសុលីត នាយករដ្ឋមន្រ្តីនៃសាធារណរដ្ឋប្រជាធិបតេយ្យប្រជាមានិតឡាវ នឹងទទួលបានជោគជ័យ ក្នុងការប្រយុទ្ធប្រឆាំងនឹងជំងឺកូវីដ១៩ ហើយយើងនឹងងើបឡើងវិញយ៉ាងរឹងមាំជាមួយគ្នា»។

   គ្រួសារដែលទទួលរងនូវផលប៉ះពាល់ ដោយសារតែការរាតត្បាតជាសកល នូវ ជម្ងឺឆ្លងកូវីដ-19និងជំនន់ទឹកភ្លៀងរហ័សកន្លងមកក្នុងខេត្តនិងជួបបញ្ហាខ្វះខាតជីវភាពប្រចាំថ្ងៃ ចំនួន ១០០គ្រួសារ ក្នុងសង្កាត់វត្តគរ ក្រុង-ខេត្តបាត់ដំបង បានទទួលនូវអំណោយជាស្បៀងមនុស្សធម៌ ពីសម្តេចក្រឡា ហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនិងជាប្រធានក្រុមការងារថ្នាក់ជាតិចុះជួយខេត្តបាត់ដំបង តាមរយៈនៃក្រុមការងារមនុស្សធម៌សម្តេចក្រឡាហោម ដឹកនាំដោយ ឯកឧត្តម ខាន់ម៉ាណេរ រដ្ឋលេខាធិការក្រសួងសាធារណការ និងដឹកជញ្ជូន និងឯកឧត្តម ច័ន្ទ សុផល អ្នកតំណាងរាស្ត្រមណ្ឌលខេត្តបាត់ដំបង ហើយពិធីនេះបានធ្វើឡើងក្នុងបរិវេណវត្តគរ សង្កាត់វត្តគរ ក្រុងខេត្តបាត់ដំបង នារសៀលថ្ងៃទី១៤ខែវិច្ឆិកាឆ្នាំ២០២០ចុងសប្តាហ៍នេះ។       ឯកឧត្តម ខាន់ ម៉ាណេរ រដ្ឋលេខាធិការក្រសួងសាធារណការនិងដឹកជញ្ជូននិងជាប្រធានក្រុមការងារមនុស្សធម៌ សម្តេចក្រឡាហោម បានថ្លែងថា៖តាមរយៈសំណូមពរពីអាជ្ញាធរសង្កាត់ និងឯកឧត្តម អ៊ុត ក្លឹង ទីប្រឹក្សាសម្តេចក្រឡាហោម និងជាប្រធានក្រុមការងារថ្នាក់ជាតិចុះជួយសង្កាត់វត្តគរ បានទទួចស្នើសុំដល់សម្តេចក្រឡាហោម ដើម្បីផ្តល់នូវស្បៀងជួយដល់គ្រួសារដែលកំពុងតែជួបការលំបាកខ្លាំងក្នុងជីវភាពប្រចាំថ្ងៃដោយសារតែបញ្ហានៃការរាតត្បាតពីជម្ងឺឆ្លងកូវីដ-19ផងនិងគ្រោះទឹកជំនន់ទឹកភ្លៀងជាបន្តបន្ទាប់ កន្លងមកនេះ។      ឯកឧត្តមប្រធានក្រមការងារមនុស្សធម៌សម្តេចក្រឡាហោម សខេង បានថ្លែងគូសបញ្ជាក់ទៀតថាដោយសារតែមានការយកចិត្តទុកដាក់ពីអាជ្ញាធរនិងក្រុមការងារថ្នាក់ជាតិនៅទីនេះទើបបញ្ហាប្រឈមនានា ដែលកើតមានកន្លងមកនេះ ត្រូវបានប្រមុខនៃរាជរដ្ឋាភិបាលកម្ពុជាដឹកនាំដោយសម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា និងជាពិសេសពីសម្តេចក្រឡាហោមសខេង…