ដោយ៖ម៉ាដេប៉ូ រាជធានីភ្នំពេញ៖ក្នុងការប្រតិបត្តិមេត្រីបរិស្ថាន ហើយពិសេសដោយសារផ្សារភ្ជាប់នឹងសុខសន្តិភាព ស្ថេរភាពនយោបាយនិងស្របជាមួយកំណើនសេដ្ឋកិច្ចផងនោះយើងឃើញថា ធនធានមនុស្ស របស់កម្ពុជា ពិសេសស្រទាប់យុវជនគឺការយល់ដឹងពីបញ្ហាបរិស្ថានកាន់តែប្រសើរឡើង។នេះជាការថ្លែងរបស់ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន។           មានប្រសាសន៍នៅក្នុងពិធីប្រគល់ប័ណ្ណសរសើរដល់ប្រតិបត្តិករមេត្រីបរិស្ថាននារសៀលថ្ងៃទី២៣ខែតុលាឆ្នាំ២០២០នេះ ឯកឧត្តមសាយសំអាល់ រដ្ឋមន្រ្តីក្រសួងបរិស្ថានបានបង្ហាញការកោតសរសើរនិងលើកទឹកចិត្តឱ្យសាធារណជនចូលរួមថែរក្សានិងការពារបរិស្ថានកម្ពុជា។           ព្រមជាមួយគ្នានេះឯកឧត្តមរដ្ឋមន្រ្តីចាត់ទុកថាការចូលរួមថែរក្សាបរិស្ថានគឺដើម្បីកូនចៅជំនាន់ក្រោយក៏ដូចជាទុកកេរ្តិ៍តំណែលសម្រាប់ប្រទេសជាតិទៅថ្ងៃខាងមុខផងដែរ។           ឯកឧត្តមសាយសំអាល់បានបញ្ជាក់បន្ថែមថា នាកន្លងមកដោយសារការផ្សព្វផ្សាយនិងណែនាំដល់ស្រទាប់សាធារណជនបានកំពុងធ្វើឱ្យពលរដ្ឋជាច្រើនបានយល់ដឹងពីតម្លៃបរិស្ថាន ហើយពលរដ្ឋមួយចំនួន ថែមទាំងឈប់ប្រើប្រាស់បា្លស្ទិកដូចមុនបន្តទៀត។ដោយឡែកក្រុមហ៊ុនមួយចំនួនដូចជាក្រុមហ៊ុនកូកាកូឡាបានដាក់ធុងសំរាមតាមទីប្រជុំជនដោយបែងចែកធុងតាមប្រភេទសំរាមដែលធ្វើឱ្យពលរដ្ឋកាន់តែយល់ដឹងពីការទុកដាក់សំរាម។ជាមួយគ្នាក្រសួងបរិស្ថានក៏លើកទឹកចិត្តដល់ក្រុមហ៊ុនឬអង្គភាពដទៃទៀតចូលរួមក្នុងការអប់រំផ្សព្វផ្សាយពីបញ្ហាសំរាមនិងបរិស្ថាននេះបន្ថែមទៀត។ នាឱកាសនោះដែរ ឯកឧត្តមរដ្ឋមន្រ្តី បានវាយតម្លៃខ្ពស់ចំពោះកម្មវិធី”លើកទឹកចិត្តមេត្រីបរិស្ថានឆ្នាំ២០២០”ដែលកម្មវិធីនេះបានជំរុញដល់សាធារណជននិងប្រជាពលរដ្ឋគ្រប់ស្រទាប់បានយល់ដឹងនិងពិសេសរួមគ្នាថែរក្សាបរិស្ថានឱ្យកាន់តែប្រសើរឡើង។           ទន្ទឹមជាមួយគ្នានេះឯកឧត្តមរដ្ឋមន្រ្តីបានរំលឹកផងដែរថានាកន្លងមកក្រសួងបរិស្ថានបានផ្ទេរភារកិច្ចដល់រដ្ឋបាលថ្នាក់ក្រោមជាតិនិងព្រមទាំងផ្តល់ជាថវិការផង ដែលប្រការនេះក្រសួងយល់ឃើញថាមានតែរដ្ឋបាលថ្នាក់ក្រោមជាតិប៉ុណ្ណោះដែលមានចំណែកសំខាន់ក្នុងការសម្អាតបរិស្ថានក៏ដូចជាកិច្ចការពារបរិស្ថាននៅក្នុងប្រទេសកម្ពុជាឱ្យកាន់តែល្អប្រសើរពីមួយថ្ងៃទៅមួយថ្ងៃ។ហើយតាមរយៈនៃការអនុវត្តយុទ្ធសាស្រ្តនេះឃើញថាទទួលបានជោគជ័យនិងមានការឆ្លើយតបសហការពីពលរដ្ឋស្ទើរគ្រប់ទីកន្លែង។         ដោយឡែក ឯកឧត្តម ជួប ប៉ារីសស៍ អគ្គនាយកចំណេះដឹងនិងព័ត៌មានបរិស្ថានបានឱ្យដឹងដែរថា ចំពោះលទ្ធផលការប្រកួតប្រជែងនាកន្លងមកជាលទ្ធផល បណ្ណសរសើរចំនួន៣៤និងបណ្ណថ្លែង អំណរគុណចំនួន១៨ នឹងត្រូវប្រគល់ជូនប្រតិបត្តិករ ដែលបានប្រតិបត្តិមេត្រីបរិស្ថានបាន ល្អប្រសើរ ហើយបណ្ណសរសើរចំនួន៧៤ទៀត នឹងត្រូវប្រគល់ជូន ប្រតិបត្តិករឆ្នើមតាមខេត្ត។  ឯកឧត្តមថាក្រៅពីលទ្ធផលខាងលើ ក្នុងឆ្នាំ២០២០នេះ ក្រសួងក៏ធ្លាប់បានប្រគល់បណ្ណសរសើរ និងបណ្ណថ្លែងអំណរគុណមេត្រីបរិស្ថានចំនួន៥៩៨ បណ្ណ រួចមកហើយ ជូនដល់មន្ត្រីឧទ្យានុរក្ស និងមន្ត្រីពាក់ព័ន្ធ ដែលបានអនុវត្តគម្រោងរេដបូក រហូតទទួល បានជោគជ័យក្នុងការលក់ឥណទានកាបូនជាដើម។ ឯកឧត្តមបញ្ជាក់បន្ថែមថាចំពោះកម្មវិធីលើកទឹកចិត្តមេត្រីភាពបរិស្ថាន ក្រោមប្រធានបទ…

ដោយ៖ម៉ាដេប៉ូ ភ្នំពេញ៖ក្នុងកិច្ចប្រជុំថ្នាក់ឧត្តមមន្រ្តីអាស៊ានទទួលបន្ទុកផ្នែកវប្បធម៌និងសិល្បៈលើកទី១៦ និង កិច្ចប្រជុំពាក់ព័ន្ធជាមួយដៃគូសន្ទនាសម្រាប់អាណត្តិឆ្នាំ២០២០-២០២២បានប្តេជ្ញារួមគ្នាទប់ស្កាត់ជំងឺកូវិដ១៩ដែលនាំជះផលប៉ះពាល់ដល់វិស័យវប្បធម៌និងសិល្បៈរបស់បណ្តាប្រទេសក្នុងតំបន់នេះ។           ថ្លែងបញ្ជាក់ប្រាប់បណ្តាញសារព័ត៌មានក្រោយបញ្ចប់កិច្ចប្រជុំនាល្ងាចថ្ងៃទី២២ខែតុលាឆ្នាំ២០២០នេះលោកជំទាវភឿងសកុណារដ្ឋមន្រ្តីក្រសួងវប្បធម៌និងវិចិត្រសិល្បៈបានឱ្យដឹងថាក្នុងកិច្ចប្រជុំពេញមួយថ្ងៃពោលគឺថ្ងៃទី២២ខែតុលានេះរដ្ឋន្រ្តីរបស់ក្រសួងវប្បធម៌អាស៊ានទាំងមូលបានសម្រេចយកប្រធានបទមួយគឺ”ផលប៉ះពាល់នៃជំងឺកូវីដ១៩និងមាគ៌ាឆ្ពោះទៅមុខសម្រាប់វិស័យវប្បធម៌និងសិល្បៈ”។ចំពោះមូលហេតុដែលរដ្ឋមន្រ្តីវប្បធម៌អាស៊ានសម្រេចចិត្តយកប្រធានបទនេះដែរដើម្បីប្រមូលផ្តុំយកធាតុចូលក្នុងការចែករំលែកបទពិសោធន៍ល្អៗក្នុងចំណោមប្រទេសអាស៊ានទាំង១០ក៏ដូចជាអាស៊ានបូក៣ ពីអ្វីដែលជាផលប៉ះពាល់នៃជំងឺកូវីដ១៩របស់ប្រទេសខ្លួន ដើម្បីផ្តល់នូវបទពិសោធន៍ ក៏ដូចជាគំនិតក្នុងការរួមគ្នា ទប់ស្កាត់ឱ្យបាននូវការរីករាលដាលនៃជំងឺកូវីដ១៩ដែលបង្កការប៉ះពាល់ដល់វិស័យវប្បធម៌និងសិល្បៈក្នុងតំបន់។           លោកជំទាវបានលើកឡើងផងថា “ក្នុងកិច្ចប្រជុំនេះយើងមានចែករំលែកបទពិសោធន៍ពីប្រទេសនីមួយៗនិងវិធានការទប់ស្កាត់ដោយប្រសិទ្ធភាពរបស់ប្រទេសអាស៊ានទាំង១០ ពិសេសកម្ពុជាយើងដែលបានទប់ស្កាត់ជំងឺកូវីដ១៩បានជោគជ័យដូចសព្វថ្ងៃនេះ”។ ក្នុងនាមជាប្រធាននៃកិច្ចប្រជុំអាស៊ានលើកនេះដែរ លោកជំទាវរដ្ឋមន្រ្តីបានមានប្រសាសន៍ថា ក្នុងកិច្ចប្រជុំនេះប្រទេសកម្ពុជាបានស្នើសុំឡើងពីទីក្រុងសៀមរាបឱ្យក្លាយទៅជាទីក្រុងវប្បធម៌ ហើយសំណូមពរនេះក៏បានទទួលការគាំទ្រពីសំណាក់រដ្ឋមន្រ្តីប្រទេសអាស៊ានយ៉ាងពេញទំហឹងទៀតផង។ទាំងនេះដោយសារថាទីក្រុងសៀមរាបរបស់កម្ពុជាបានក្លាយជាទីក្រុងដ៏សក្តិសមបំផុតដែលបានប្រកាសជាទីក្រុងវប្បធ៌ម និងបានទទួលកេរ្តិ៍ឈ្មោះជាយូរលង់មកហើយ។តាមរយៈនេះដែរគឺជាការបង្ហាញនូវសក្តានុពលបន្ថែមទៀតនៃទីក្រុងសៀមរាបដើម្បីឱ្យពិភពលោកកាន់តែទទួលស្គាល់កេរ្តិ៍តំណែលដ៏មានតម្លៃរបស់កម្ពុជា។           លោកជំទាវរដ្ឋមន្រ្តីក្រសួងវប្បធម៌និងវិចិត្រសិល្បៈបានបញ្ជាក់បន្ថែមថាដោយសារជំងឺកូវីដ១៩បានធ្វើឱ្យវិស័យសិល្បៈជាច្រើនត្រូវបានផ្អាកសកម្មភាព ដោយក្នុងនេះនាំឱ្យជះផលប៉ះពាល់មិនត្រឹមតែវិស័យវប្បធម៌ទេវាថែមទាំងបង្កការប៉ះពាល់ដល់សេដ្ឋកិច្ចគ្រួសាររបស់អ្នកប្រកបរបរក្នុងអាជីពសិល្បៈថែមទៀត។ទោះបីយ៉ាងណារាជរដ្ឋាភិបាលកម្ពុជា និងក្រសួងវប្បធម៌នាកន្លងមកក៏បានផ្តល់នូវការជួយជ្រោមជ្រែងទាំងថវិការនិងការជួយសម្រួលក្នុងការចេញសម្តែងដល់សិល្បៈករមួយចំនួនគ្រាន់ដោះស្រាយជីវភាពរបស់ខ្លួន៕