កាលពីថ្ងៃពុធ កាសែត The Nation របស់ថៃ បានចេញផ្សាយ ដោយដកស្រង់សម្តី របស់រដ្ឋមន្ត្រីទេសចរណ៍ថា ក្នុងរដូវកាលសង្ក្រាន្តឆ្នាំនេះ ថៃរកចំណូលបានជិត៤ពាន់លានដុល្លារអាមេរិក។ រដ្ឋមន្ត្រីទេសចរណ៍ និងកីឡាថៃ លោកស្រី Sudawan Wangsupakitkosol បាននិយាយថា ចំណូលនេះ គិតចាប់ពីថ្ងៃទី១ ដល់ ២១ ខែមេសា ដែលភាគច្រើនបានពីការចំណាយរបស់ភ្ញៀវទេសចរបរទេស សរុបជិត២លាននាក់ ដែលបានទៅលេងបុណ្យសង្ក្រាន្ត នៅថៃ ក្នុងនោះ ចិន ម៉ាឡេស៊ី ឥណ្ឌា និងរុស្ស៊ី មានច្រើនជាងគេ។ ក្រៅពីនេះ ទទួលបានចំណូល ពីការចំណាយរបស់អ្នកទេសចរ ក្នុងស្រុក ដែលមានចំនួនសរុប ជិត១៤លាននាក់។ ផ្អែកតាម The Nation ដដែល ប្រាក់ចំណូលទាំងនេះ ត្រូវបានបែងចែក ចេញជាតម្លៃស្នាក់នៅ, អាហារ, ភេសជ្ជៈ, វត្ថុអនុស្សាវរីយ៍, ការដឹកជញ្ជូន, សេវាកម្មកម្សាន្ត ក៏ដូចជា សេវាកម្មទេសចរណ៍ ព្រមទាំង និងទំនិញប្រើប្រាស់ប្រចាំថ្ងៃ ជាដើម៕ ប្រភពពី…

ដាក្កា៖ ប្រជាជនបង់ក្លាដែសរាប់ពាន់នាក់ ដែលរងគ្រោះដោយសារតែរលកកម្ដៅធ្ងន់ធ្ងរ បាននាំគ្នាជួបជុំធ្វើអធិស្ឋាន សុំទឹកភ្លៀង កាលពីថ្ងៃពុធ។ ការិយាល័យអាកាសធាតុរបស់ប្រទេសបង់ក្លាដែស បាននិយាយថា សីតុណ្ហភាពបានហក់ឡើងខ្ពស់ លើសពីធម្មតា ចន្លោះ ពី៤ ទៅ៥ អង្សាសេ ដែលមិនធ្លាប់មាន ក្នុងពេល ៣០ឆ្នាំ។ អ្នកថ្វាយបង្គំមូស្លីមបានបួងសួងសុំការធូរស្បើយ ពីកំដៅដ៏ក្តៅគគុក។ អ្នកដឹកនាំកម្មវិធី បានប្រាប់ AFP ថា ការអធិស្ឋានសុំទឹកភ្លៀង គឺជាប្រពៃណីរបស់សាសនា ហើយថា ជីវិតមិនអាចទ្រាំទ្របានទេ ដោយសារតែខ្វះភ្លៀង ខណៈដែលប្រជាជនក្រីក្រកំពុងរងទុក្ខយ៉ាងខ្លាំង។ រលកកំដៅដ៏ខ្លាំងបានបង្ខំចិត្តឲ្យបង់ក្លាដែស បិទសាលារៀន នៅជុំវិញប្រទេស ហើយការស្រាវជ្រាវវិទ្យាសាស្ត្រយ៉ាងទូលំទូលាយ បានរកឃើញថា ការប្រែប្រួលអាកាសធាតុកំពុងបណ្តាលឱ្យមានរលកកំដៅកាន់តែយូរ ញឹកញាប់ និងកាន់តែខ្លាំង យ៉ាងហោចណាស់ មួយសប្តាហ៍ទៀត៕ ប្រភពពី AFP ប្រែសម្រួល៖ សារ៉ាត

ប៉េកាំង៖ ប្រទេសចិនបានព្រមាននៅថ្ងៃពុធថា ការគាំទ្រផ្នែកយោធារបស់សហរដ្ឋអាមេរិកដល់តៃវ៉ាន់ នឹងបង្កើន “ហានិភ័យនៃជម្លោះ” បន្ទាប់ពីសភាអាមេរិកបានបែងចែកជំនួយយោធាចំនួន ៨ពាន់លានដុល្លារសម្រាប់កោះនេះ។ អ្នកនាំពាក្យក្រសួងការបរទេសចិន លោក Wang Wenbin បានបញ្ជាក់យ៉ាងដូច្នេះថា ខ្ញុំចង់សង្កត់ធ្ងន់ថា ការពង្រឹងទំនាក់ទំនងយោធារវាងសហរដ្ឋអាមេរិក និងតៃវ៉ាន់ នឹងមិននាំសន្តិសុខដល់កោះនេះនោះទេ។ លោក Wang ក៏បានព្រមានដែរថា វារឹតតែបង្កើនភាពតានតឹង និងហានិភ័យនៃជម្លោះនៅទូទាំងច្រកសមុទ្រតៃវ៉ាន់ ហើយទីបំផុតនឹងក្លាយជាទង្វើនៃការបាញ់សម្លាប់ខ្លួនឯង។ លោក Wang បន្ថែមថា សហរដ្ឋអាមេរិកគួរតែបញ្ឈប់ការផ្តល់អាវុធដល់តៃវ៉ាន់, បញ្ឈប់ការបង្កើតភាពតានតឹងថ្មីនៅច្រកសមុទ្រតៃវ៉ាន់ និងបញ្ឈប់ការបង្កគ្រោះថ្នាក់ដល់សន្តិភាព និងស្ថិរភាពនៅទូទាំងច្រកសមុទ្រតៃវ៉ាន់។ ការព្រមានធ្ងន់ៗរបស់ចិននេះ កើតឡើងបន្ទាប់សភាអាមេរិកបានផ្តល់ការអនុម័តចុងក្រោយកាលពីយប់ថ្ងៃអង្គារ ដល់កញ្ចប់ជំនួយចំនួន ៩៥ពាន់លានដុល្លារដល់សម្ព័ន្ធមិត្ត រួមមានទាំងអ៊ុយក្រែន អ៊ីស្រាអែល និងតៃវ៉ាន់។ ប្រធានាធិបតីតៃវ៉ាន់ លោក ឡៃ ឈីងតេ ថ្លែងថា កញ្ចប់ជំនួយនេះ នឹងជួយពង្រឹងការរារាំង ប្រឆាំងនឹងរបបផ្តាច់ការ និង ការពារសន្តិភាព។ ប៉ុន្តែទីក្រុងប៉េកាំង ដែលបាននិយាយថា ខ្លួននឹងមិនបោះបង់ការប្រើប្រាស់កម្លាំង ដើម្បីនាំយកកោះនេះឱ្យស្ថិតក្រោមការគ្រប់គ្រងរបស់ខ្លួននោះ បានព្រមានកាលពីថ្ងៃពុធ អំពីវិធានការដ៏ម៉ឺងម៉ាត់ និងមានប្រសិទ្ធភាព ដើម្បីការពារអធិបតេយ្យភាព សន្តិសុខ…

អាមេរិក៖ បន្ទាប់ពីពន្យាពេលជាច្រើនលើក លើការផ្តល់ជំនួយថ្មីដល់អ៊ុយក្រែន ដោយជាប់គាំងត្រឹមសភាអាមេរិកនោះ នៅទីបំផុតទៅ កាលពីថ្ងៃពុធ លោកប្រធានាធិបតីអាមេរិក Joe Biden បានចុះហត្ថលេខាលើកញ្ចប់ថវិកាថ្មី សម្រាប់អ៊ុយក្រែនហើយ។ លោក Joe Biden បាននិយាយថា ទីក្រុងវ៉ាស៊ីនតោននឹងចាប់ផ្តើមបញ្ជូនជំនួយថ្មី ទៅកាន់ទីក្រុង Kyiv ក្នុងរយៈពេលប៉ុន្មានម៉ោងទៀត បន្ទាប់ពីលោកបានចុះហត្ថលេខាលើច្បាប់ស្តីពី «កញ្ចប់ថវិកាសន្តិសុខជាតិ» ដែលត្រូវបានអនុម័ត ដោយសភាតំណាងរាស្រ្តអាមេរិក កាលពីចុងសប្តាហ៍។ លោក Biden បានអះអាងថា កញ្ចប់ជំនួយ ដែលតម្លៃ៩៥ពាន់លានដុល្លារអាមេរិក ដែលក៏មានសម្រាប់អ៊ីស្រាអែល ព្រមទាំង មានសម្រាប់ដោះស្រាយកិច្ចការភូមិសាស្ត្រនយោបាយផ្សេងៗទៀត មួយនេះ នឹងធ្វើឲ្យមានសុវត្ថិភាព នៅក្នុងសណ្តាប់ធ្នាប់ពិភពលោក ក្រោមការដឹកនាំរបស់អាមេរិក។ ចាប់តាំងពីការលុកលុយរបស់រុស្ស៊ី នាខែកុម្ភៈ ឆ្នាំ២០២២មក សហរដ្ឋអាមេរិកគឺជាអ្នកគាំទ្រផ្នែកយោធាដ៏សំខាន់ របស់អ៊ុយក្រែន។ ការផ្តល់ហិរញ្ញប្បទាននេះបានក្លាយជាចំណុចដ៏សំខាន់ នៃជម្លោះរវាងរុស្ស៊ីនិងអ៊ុយក្រែន ត្បិតអី អ៊ុយក្រែនត្រូវការជំនួយបរទេសខ្លាំង ព្រោះអស់អាវុធ ធ្វើសង្គ្រាម៕ ប្រភពពី AFP ប្រែសម្រួល៖ សារ៉ាត

ហ្ស៊ឺណែវ៖ អង្គការសហប្រជាជាតិនៅថ្ងៃអង្គារនេះបានឱ្យដឹងថា ទ្វីបអាស៊ីគឺជាតំបន់ដែលរងគ្រោះធ្ងន់ធ្ងរបំផុតនៅលើពិភពលោក ដោយសារគ្រោះមហន្តរាយធម្មជាតិ និងការប្រែប្រួលអាកាសធាតុកាលពីឆ្នាំ២០២៣ ក្នុងនោះទឹកជំនន់ និងខ្យល់ព្យុះ ជាមូលហេតុចម្បងនៃការស្លាប់ និងការខាតបង់សេដ្ឋកិច្ច។ សីតុណ្ហភាពពិភពលោកបានឡើងដល់កម្រិតខ្ពស់បំផុតកាលពីឆ្នាំ ២០២៣ ដោយទីភ្នាក់ងារឧតុនិយម និងអាកាសធាតុរបស់អង្គការសហប្រជាជាតិបាននិយាយថា ទ្វីបអាស៊ីកំពុងឡើងកំដៅក្នុងល្បឿនយ៉ាងលឿនគួរឱ្យកត់សម្គាល់។ អង្គការឧតុនិយមពិភពលោក ហៅកាត់ថា WMO បានបញ្ជាក់ថា ឥទ្ធិពលនៃរលកកំដៅនៅទ្វីបអាស៊ីកាន់តែអាក្រក់ខ្លាំង ហើយការរលាយផ្ទាំងទឹកកកបានគំរាមកំហែងដល់សន្តិសុខទឹកនាពេលអនាគតក្នុងតំបន់នេះ។ អង្គការ WMO បន្តថា ទ្វីបអាស៊ីកំពុងឡើងកំដៅលឿនជាងមធ្យមភាគសកល ដោយសីតុណ្ហភាពកាលពីឆ្នាំ ២០២៣ ហក់ឡើងជិតពីរអង្សាសេ លើសពីមធ្យមភាគនៅចន្លោះឆ្នាំ ១៩៦១ ដល់ឆ្នាំ ១៩៩០។ ប្រធាន WMO លោកស្រី Celeste Saulo បាននិយាយនៅក្នុងសេចក្តីថ្លែងការណ៍មួយថា ប្រទេសជាច្រើននៅទ្វីបអាស៊ី បានជួបប្រទះឆ្នាំក្តៅបំផុតរបស់ពួកគេក្នុងកំណត់ត្រាកាលពីឆ្នាំ ២០២៣ បូករួមនឹងគ្រោះរាំងស្ងួត និងរលកកំដៅ រហូតដល់ទឹកជំនន់ និងខ្យល់ព្យុះ។ ការប្រែប្រួលអាកាសធាតុ ជាដើមហេតុធ្វើឱ្យកើតមានគ្រោះមហន្តរាយធម្មជាតិជាញឹកញាប់ និងមានភាពធ្ងន់ធ្ងរ ប៉ះពាល់យ៉ាងខ្លាំងដល់សង្គម និងសេដ្ឋកិច្ច ជាពិសេសជីវិតមនុស្ស និងបរិស្ថានដែលរស់នៅលើផែនដី។ របាយការណ៍ស្ថានភាពអាកាសធាតុនៅទ្វីបអាស៊ីឆ្នាំ ២០២៣ បានគូសបញ្ជាក់ថា ការប្រែប្រួលអាកាសធាតុ…