-
អ្នកជំនាញកំពូលផ្នែកជំងឺឆ្លងអាមេរិក៖ វីរុសបម្លែងខ្លួនថ្មី Delta គឺជាការគំរាមកំហែងដ៏ធំបំផុតចំពោះការឆ្លើយតបនឹងជំងឺរាតត្បាតនៅក្នុងសហរដ្ឋអាមេរិក
អាមេរិក៖ អ្នកជំនាញកំពូលផ្នែកជំងឺឆ្លងអាមេរិកលោក អាន់តូនី ហ្វាវស៊ី បានប្រាប់អ្នកសារព័ត៌មានតាមប្រព័ន្ធទូរស័ព្ទនៅថ្ងៃអង្គារនេះថា វីរុសបម្លែងខ្លួនថ្មី Delta ដែលមានប្រភពដើមពីឥណ្ឌា គឺជាការគំរាមកំហែងដ៏ធំបំផុត ចំពោះកិច្ចខិតខំប្រឹងប្រែងរបស់សហរដ្ឋអាមេរិក ក្នុងការលុបបំបាត់ជំងឺកូវីដ១៩នៅតាមព្រំដែនរបស់ខ្លួន ។ ស្របពេលជាមួយគ្នានេះដែរ លោក អាន់តូនី ហ្វាវស៊ី បានគូសបញ្ជាក់ថា ការអនុម័តអោយប្រើប្រាស់វ៉ាក់សាំងបង្ការជំងឺកូវីដ១៩នៅក្នុងសហរដ្ឋអាមេរិក ដែលក្នុងនោះរួមមានវ៉ាក់សាំង Pfizer-BioNTech គឺមានប្រសិទ្ធិភាពប្រឆាំងនឹងវីរុសបម្លែងខ្លួនថ្មីបាន ។ លោក ហ្វាវស៊ី បាននិយាយថា យើងមានរបស់ការពារជាច្រើនហើយ ដូច្នេះសូមប្រើប្រាស់ពួកគេ (វ៉ាក់សាំង) ហើយកម្ចាត់រោគរាតត្បាត ។ គួរកត់សម្គាល់ ប្រធានផ្នែកវិទ្យាសាស្ត្ររបស់អង្គការសុខភាពពិភពលោក (WHO) លោកស្រី សួមយ៉ា ស្វាមីណាថាន់ កាលពីនៅថ្ងៃសុក្រសប្តាហ៍មុនបញ្ជាក់ថា វីរុសកូវីដ១៩បម្លែងខ្លួនថ្មី Delta ដែលត្រូវបានរកឃើញដំបូងនៅឥណ្ឌា កំពុងក្លាយជាវីរុសរាតត្បាតនៅពាសពេញពិភពលោកហើយ ។ គិតត្រឹមពេលនេះដែរ វីរុសកូវីដ១៩បម្លែងខ្លួនថ្មីចំនួន១៣ហើយ ត្រូវបានកំណត់នៅទូទាំងពិភពលោក ៕ ប្រភព៖ Reuters
-
ថៃអនុញ្ញតអោយភ្ញៀវទេសចរធ្វើដំណើរទៅលេងកោះភូកេត ដោយមិនចាំបាច់ធ្វើចត្តាឡីស័ក ដែលនេះជាគម្រោងសាកល្បងជំហានដំបូង
ថៃ៖ នៅថ្ងៃអង្គារ៍នេះ អាជ្ញាធរថៃបានអនុញ្ញាតសម្រាប់ដំណើរទេសចរណ៍ដោយមិនចាំបាច់ធ្វើចត្តាឡីស័កដល់ភ្ញៀវទេសចរនៅឆ្នេរខ្សាច់ដ៏ល្បីភូកេត ដែលនេះជាជំហានទី១ ឆ្ពោះទៅរកការបើកគោលដៅទេសចរណ៍ដ៏សំខាន់របស់ប្រទេសខ្លួន ក្រោយជួបវិបត្តិសេដ្ឋកិច្ចដោយសារជំងឺកូវីដ១៩ ។ ឧស្សាហកម្មទេសចរណ៍សំខាន់ដ៏ធំ បានស្ថិតនៅដំណាក់កាលបើកសាកល្បងតាំងពីខែមីនា នៅពេលរដ្ឋាភិបាលថៃបានដាក់ចេញគម្រោងហៅថា «ប្រអប់ខ្សាច់ភូកេត ឬ Phuket Sandbox” ដើម្បីអនុញ្ញាតឲ្យភ្ញៀវទេសចរដែលបានចាក់វ៉ាក់សាំងរួចរាល់ចូលទៅក្នុងប្រទេសថៃដោយពុំចាំបាច់ធ្វើចត្តាឡីស័កឡើយ ។ ប៉ុន្តែបន្ទាប់ពីរលកកូវីដ-១៩លើកទី៣បានផ្ទុះខ្លាំងឡើងក្នុងខែមេសា គម្រោងនេះមិនដំណើរការឡើយ ។ យ៉ាងណាមិញ នៅថ្ងៃអង្គារ៍សប្តាហ៍នេះ មុនពេល៨ថ្ងៃនៃការចាប់ផ្តើមជាផ្លូវការមកដល់នោះ អ្នកនាំពាក្យរដ្ឋាភិបាលថៃ លោក Anucha Burapachaisri បាននិយាយថា ខុទ្ទកាល័យនាយករដ្ឋមន្ត្រីថៃលោក ប្រាយុទ្ធ ចាន់អ៊ូចា បានបើកភ្លើងខៀវលើគម្រោងនេះហើយ ។ ប្រសិនបើគម្រោងប្រអប់ខ្សាច់ដំណើរការដោយរលូននោះ អាជ្ញាធរនឹងអនុវត្តនៅតំបន់ទេសចរណ៍ផ្សេងទៀតដូចជា ក្រាពី និងកោះសាមុយជាដើម ៕ ប្រភព៖ AFP
-
អ្នកឆ្លង COVID-19 នៅទូទាំងពិភពលោកកើនឡើងដល់១៧៩លាន៩១ម៉ឺននាក់ ក្នុងនោះស្លាប់៣លាន៨៩ម៉ឺននាក់ និងជាសះស្បើយ១៦៤លាន៦៦ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១៧៩លាន៩១ម៉ឺន៥៥១ករណី ក្នុងនោះមានអ្នកជម្ងឺសរុបចំនួន៣លាន៨៩ម៉ឺន៧ពាន់៣៧៤នាក់ស្លាប់ និង ជាសះស្បើយឡើងវិញសរុបចំនួន១៦៤លាន៦៦ម៉ឺន៨ពាន់៧២៨នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី២៣ ខែមិថុនា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣៤លាន៤៣ម៉ឺន៤ពាន់៧៤នាក់ ស្លាប់ចំនួន៦១ម៉ឺន៧ពាន់៨៧០នាក់ និងជាសះស្បើយចំនួន២៨លាន៨១ម៉ឺន៦ពាន់៥១៣នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៣០លាន២ម៉ឺន៧ពាន់៨៥០នាក់ ស្លាប់៣៩ម៉ឺន៦៩១នាក់ និងជាសះស្បើយ២៨លាន៩៨ម៉ឺន៧ពាន់៣១១នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន១៨លាន៥ម៉ឺន៦ពាន់៦៣៩នាក់ ស្លាប់ចំនួន៥០ម៉ឺន៤ពាន់៨៩៧នាក់ និងជាសះស្បើយ១៦លាន៣៨ម៉ឺន៨ពាន់៨៤៧នាក់ ៕ ប្រភព៖ worldometers
-
ប្អូនស្រីគីម ជុងអ៊ុនថា អាមេរិកយល់ខុសហើយដែលថាកូរ៉េខាងជើងចង់ចរចាវិញនោះ
ប្អូនស្រីបង្កើតមេដឹកនាំកំពូលកូរ៉េខាងជើង គឺលោក គីម ជុងអ៊ុន នៅថ្ងៃទី២២ មិថុនា ២០២១បាននិយាយចំអកលើ ក្តីសង្ឃឹមរបស់សហរដ្ឋអាមេរិក ដែលចង់បើកកិច្ចចរចាគ្នាឡើងវិញ ជាមួយប្រទេសកូរ៉េខាងជើង នេះបើតាមទីភ្នាក់ងារព័ត៌មានរដ្ឋកូរ៉េខាងជើង។ អ្នកស្រី គីម យ៉ូចុង បាននិយាយថា សហរដ្ឋអាមេរិកហាក់យល់ខុសស្រឡះអំពី សញ្ញាដែលបង្ហាញដោយទីក្រុងព្យុងយ៉ាង ហើយវានឹងនាំទីក្រុងវ៉ាស៉ីនតោនទៅរកការខកបំណងធំមួយ។ ថ្មីៗនេះ ទីប្រឹក្សាសន្តិសុខជាតិអាមេរិក លោក Jake Sullivan បាននិយាយថា លោកមើលឃើញសញ្ញាគួរឲ្យចាប់អារម្មណ៍មួយ នៅក្នុងការលើកឡើងនាពេលថ្មីៗនេះ របស់លោក គីម ជុងអ៊ុន ដែលជំរុញឲ្យកូរ៉េខាងជើងត្រៀមលក្ខណៈសម្រាប់ការទូតផង និងការប្រឈមមុខគ្នាផង ជាមួយសហរដ្ឋអាមេរិក៕
-
គណៈកម្មាធិការសុខាភិបាលជាតិចិន (NHC) ៖ ចិនចាក់វ៉ាក់សាំងបង្ការជំងឺកូវីដ-១៩ជាង១ពាន់លានដូសជូនប្រជាជននៅទូទាំងប្រទេស (មានវីដេអូ)
ចិន៖ គណៈកម្មាធិការសុខាភិបាលជាតិចិន (NHC) ប្រកាសថា គិតត្រឹមថ្ងៃអាទិត្យសប្តាហ៍មុននេះ វ៉ាក់សាំងបង្ការជំងឺកូវីដ១៩ប្រមាណ១.០៣ពាន់លានដូសហើយ ត្រូវបានចាក់ជូនដល់ប្រជាជននៅទូទាំងប្រទេស ។ សម្រាប់វ៉ាក់សាំងដែលផលិតដោយប្រទេសចិនដូចជា Sinovac និង Sinopharm ក៏ត្រូវបានបរិច្ចាគ និងផ្គត់ផ្គង់ទៅតាមការបញ្ជាទិញពីប្រទេសជាច្រើន នៅជុំវិញពិភពលោកផងដែរ ខណៈដែលវ៉ាក់សាំងទាំងពីរនេះ ត្រូវបានអង្គការសុខភាពពិភពលោក (WHO) អនុម័តអោយប្រើប្រាស់ក្នុងករណីបន្ទាន់ជាផ្លូវការ ។ ប្រទេសចិនដែលមានប្រជាជនសរុបជាង១ពាន់៤រយលាននាក់ បានប្រើប្រាស់វ៉ាក់សាំងបង្ការកូវីដ១៩ផលិតក្នុងស្រុកផ្ទាល់ ដើម្បីចាក់ជូនដល់ប្រជាជនរបស់ខ្លួន ។ ប៉ុន្មានសប្តាហ៍មកនេះ ប្រទេសចិនត្រូវបានគេមើលឃើញថា នៅតែមានសមត្ថភាពផ្ដល់ការចាក់វ៉ាក់សាំងបង្ការជំងឺកូវីដ១៩ ជូនដល់ប្រជាជនរបស់ខ្លួនរហូតដល់ទៅខ្ទង់២០លានដូស ឬលើសនេះទៀតក្នុងមួយថ្ងៃ ដែលជាចំនួនខ្ពស់ជាងគេបំផុតនៅលើពិភពលោក ៕ ប្រភព៖ ស៊ីនហួរ
-
ថៃស្លាប់ថ្មី៣៥នាក់ ឆ្លងថ្មីជាង៤ពាន់នាក់បន្ថែមទៀត
ប្រទេសថៃ នៅថ្ងៃទី២២ ខែមិថុនា ឆ្នាំ២០២១ បានរាយការណ៍ពីការរកឃើញករណីឆ្លងជំងឺ COVID-19 ថ្មីៗចំនួន ៤,០៥៩ករណីបន្ថែមទៀត នៅក្នុងរយៈពេល ២៤ម៉ោងចុងក្រោយនេះ ដែលភាគច្រើនជាករណីឆ្លងក្នុងសហគមន៍ ដោយមានតែ ២១ករណីប៉ុណ្ណោះ ជាករណីនាំចូល។ ក្រៅពីការរកឃើញករណីឆ្លងថ្មីៗខាងលើនេះ អ្នកជំងឺចំនួន ៣៥នាក់បន្ថែមទៀត ក៏ត្រូវបានរាយការណ៍ថាស្លាប់ផងដែរ នៅក្នុងរយៈពេល ២៤ម៉ោងចុងក្រោយដូចគ្នា។ ប្រទេសថៃមានករណីឆ្លងជំងឺ COVID-19 សរុបនៅទូទាំងប្រទេស ២២៥,៣៦៥ករណី ក្នុងនោះមានអ្នកស្លាប់ ១,៦៩៣នាក់ និងអ្នកជាសះស្បើយ ១៨៧,៨៣៦នាក់៕
-
សេតវិមាន៖ សហរដ្ឋអាមេរិកគ្រោងចែកចាយវ៉ាក់សាំងបង្ការជំងឺកូវីដ-១៩ចំនួន៥៥លានដូសដល់បណ្តាប្រទេសទូទាំងពិភពលោក (មានវីដេអូ)
Video: https://fb.watch/6hpWsUB7wj/ អាមេរិក៖ សេតវិមានបានលើកឡើងថា សហរដ្ឋអាមេរិកមានផែនការចែកចាយវ៉ាក់សាំងបង្ការជំងឺកូវីដ១៩ចំនួន៥៥លានដូស ដល់បណ្តាប្រទេសនានានៅទូទាំងពិភពលោក ក្នុងនោះ៧៥ភាគរយត្រូវបានបម្រុងទុកសម្រាប់ប្រទេសជាច្រើននៅអាមេរិកឡាទីន និងការ៉ាបៀន អាស៊ី និងអាហ្វ្រិក តាមរយៈកម្មវិធីចែកចាយវ៉ាក់សាំងអន្តរជាតិ COVAX របស់អង្គការសុខភាពពិភពលោក (WHO) ។ សេតវិមានបាននិយាយនៅក្នុងសេចក្តីថ្លែងការណ៍មួយថា ថ្ងៃនេះ រដ្ឋបាលលោក បៃដិន និងលោកស្រី ហារីស កំពុងប្រកាសបញ្ជីចែកចាយសម្រាប់វ៉ាក់សាំង៥៥ លានដូសក្នុងចំណោម៨០លានដូស នៃការផ្គត់ផ្គង់វ៉ាក់សាំងផ្ទាល់ខ្លួនរបស់លោកប្រធានាធិបតី បៃដិន តាមការសន្យានៅចុងខែមិថុនានេះ ដើម្បីបញ្ចប់រោគរាត ត្បាតទូទាំងពិភពលោក ។ បើតាមសេចក្តីថ្លែងការណ៍របស់សេតវិមាន សម្រាប់វ៉ាក់សាំងចំនួន៨០លានដូសខាងលើនេះ សហរដ្ឋអាមេរិកនឹងចែកចាយ៧៥ភាគរយតាមរយៈកម្មវិធី COVAX ហើយ២៥ភាគរយនឹងត្រូវបានកំណត់គោលដៅ ដើម្បីជួយដោះស្រាយជាមួយនឹងការកើនឡើងនៅជុំវិញពិភពលោក ៕ ប្រភព៖ Sputnik
-
មន្រ្តីជាន់ខ្ពស់ WHO ៖ កម្មវិធី Covax បានចែកចាយវ៉ាក់សាំងចំនួន៩០លានដូសដល់ប្រទេសចំនួន១៣១ទូទាំងពិភពលោក ប៉ុន្តែចំនួននេះមិនទាន់គ្រប់គ្រាន់ទេ (មានវីដេអូ)
បរទេស៖ ទីប្រឹក្សាជាន់ខ្ពស់របស់អង្គការសុខភាពពិភពលោក (WHO) លោកបណ្ឌិត Bruce Aylward បញ្ជាក់ថា កម្មវិធី Covax បានចែកចាយវ៉ាក់សាំងចំនួន៩០លានដូសដល់ប្រទេសចំនួន១៣១ទូទាំងពិភពលោក ។ ជាមួយគ្នានេះ លោកបណ្ឌិតបានសង្កត់ធ្ងន់ថា ប៉ុន្តែចំនួនទាំងនេះតិចណាស់ដែលមិនគ្រប់គ្រាន់សម្រាប់ចាក់ដល់ប្រជាជនច្រើន នៅតាមបណ្តាប្រទេសខ្វះខាតទាំងនោះឡើយ ។ កង្វះវ៉ាក់សាំងបានកើតមានឡើងស្របពេលប្រទេសមួយចំនួននៅអាហ្វ្រិកកំពុងទទួលរងការវាយប្រហារវីរុសកូវីដ១៩រលកទី៣ខ្លាំង ។ ប្រទេសអ៊ូហ្គង់ដា ហ្ស៊ីមបាវ៉េ បង់ក្លាដែស ទ្រីនីដាដ និងថូបាបា គឺជាប្រទេសមួយចំនួន ដែលបានរាយការណ៍អំពីការអស់វ៉ាក់សាំងក្នុងប៉ុន្មានថ្ងៃថ្មីៗនេះ ។ គួរកត់សម្គាល់ កម្មវិធី Covax ត្រូវបានបង្កើតឡើងកាលពីឆ្នាំមុនដោយ WHO ដើម្បីធានាការចែកចាយវ៉ាក់សាំងការពារជំងឺកូវីដ១៩គ្រប់គ្រាន់ដល់ប្រទេសក្រីក្រទូទាំងពិភពលោកដែលប្រទេសអ្នកមានឧបត្ថម្ភ ។ គោលដៅរបស់គម្រោងនេះ គឺចែកវ៉ាក់សាំងអោយបាន២ពាន់លានដូសនៅបំណាច់ឆ្នាំ២០២១នេះ ៕ ប្រភព៖ Malaysia Now
-
រដ្ឋមន្រ្តីក្រសួងកសិកម្មលើកទឹកចិត្តអោយម្ចាស់កសិដ្ឋានពង្រីកផលិតកម្មជ្រូកសាច់ ដែលកំពុងមានសក្តានុពលនៅលើទីផ្សារ ដើម្បីឈានទៅកាត់បន្ថយការនាំចូល (មានវីដេអូ)
ខេត្តកំពង់ធំ៖ ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទបានបង្ហាញពីឆន្ទ:គាំទ្រ និងលើកទឹកចិត្តឲ្យម្ចាស់កសិដ្ឋានបន្តខិតខំសហការជាមួយក្រុមហ៊ុនលើការងារចប្ចេកទេសចិញ្ចឹម ដើម្បីពង្រីកផលិតកម្មជ្រូកសាច់ដែលកំពុងមានសក្តានុពលនៅលើទីផ្សារ ចូលរួមផ្គត់ផ្គង់ឲ្យទីផ្សារក្នុងស្រុកបានគ្រប់គ្រាន់ ឈានទៅកាត់បន្ថយចំនួននាំចូល ។ លោក ខឹម សុវណ្ណារិទ្ធ ដែលជាម្ចាស់កសិដ្ឋានចិញ្ចឹមជ្រូកសាច់ ខឹម ណុល មានទីតាំងនៅភូមិសាលាវិស័យ ឃុំសាលាវិស័យ ស្រុកប្រាសាទបល្ល័ង្គ ខេត្តកំពង់ធំ បញ្ជាក់ថា ផលិតកម្មចិញ្ចឹមជ្រូកសាច់នេះ បានចាប់ផ្ដើមនៅឆ្នាំ២០១៨ លើផ្ទៃដីចំនួន៤ហិកតា ដោយសហការជាមួយក្រុមហ៊ុនស៊ីភីកម្ពុជា ដែលជាអ្នកផ្តល់ពូជ ចំណី ថ្នាំ និងបច្ចេកទេស និងចុះកិច្ចសន្យាប្រមូលទិញជ្រូករស់វិញ ។ បច្ចុប្បន្នកសិដ្ឋានមានជ្រូកសាច់ចំនួន៣,៧៥០ក្បាល ចិញ្ចឹមក្នុងរោងចំនួន៥រោង (រោងអ៊ីវេប) ដោយរោងនីមួយៗចិញ្ចឹមជ្រូកសាច់បាន៧៥០ក្បាល ។ អនុវត្តតាមបច្ចេកទេសបានត្រឹមត្រូវទាំងការផ្តល់ចំណី ការជ្រើសរើស និងបង្កាត់ពូជ ការថែទាំ ការចាក់ថ្នាំការពារជំងឺឆ្លង និងការធ្វើជីវសុវត្ថិភាពដែលតម្រូវដោយក្រុមហ៊ុនសហការ ធ្វើឲ្យកសិដ្ឋានមានការរីកចម្រើនជាបន្តបន្ទាប់ ដោយក្នុង១ឆ្នាំ កសិដ្ឋានចិញ្ចឹមបាន២វគ្គ ដល់អាយុត្រូវចាប់ក្នុង១ថ្ងៃលក់ជ្រូកចេញ៣០០ក្បាលរយ:១១ថ្ងៃជាប់គ្នា រហូតអស់សត្វពីរោង បន្ទាប់ធ្វើអនាម័យទ្រុង ទុកឲ្យរោងទំនេរមួយខែទើបដាក់កូនជ្រូកចូលចិញ្ចឹមវគ្គបន្ត ។ ភរិយាលោក ខឹម ណុល…
-
វៀតណាមនាំទំនិញទៅអឺរ៉ុបកើនខ្លាំង ក្នុងពេលជំងឺរាតត្បាជាសកល
ពាណិជ្ជកម្មទំនិញរវាងវៀតណាមនិងសហគមអឺរ៉ុបបានបង្ហាញសញ្ញាវិជ្ជមានកំណើន ចាប់តាំងពីដើមឆ្នាំ២០២១ ទោះបីជារងឥទ្ធិពលពីជំងឺរាតត្បាតជំងឺកូវីដ១៩ក៏ដោយ។ វៀតណាមថា ខ្លួនបាននាំចេញទំនិញតម្លៃ១៦.១ពាន់លានដុល្លារអាមេរិក ទៅអឺរ៉ុប ចាប់ពីខែមករា ដល់ ខែឧសភា កើនឡើង២០.១ភាគរយ បើធៀបនឹងពេលដូចគ្នា កាលពីឆ្នាំមុន ខណៈការនាំចូលពីអឺរ៉ុបទៅវៀតណាមវិញ មាន៦.៧ពាន់លានដុល្លារអាមេរិក កើនឡើង១៦.៨ភាគរយ ប្រៀបធៀបនឹងពេលដូចគ្នា កាលពីឆ្នាំមុន។ អឺរ៉ុប បច្ចុប្បន្ន បានក្លាយជាដៃគូពាណិជ្ជកម្មដ៏ធំលំដាប់ទី៥របស់វៀតណាម ហើយជាអ្នកនាំចូលទំនិញវៀតណាមលំដាប់ទី២ បន្ទាប់ពីអាមេរិក។ ឆ្នាំមុន ទំហំពាណិជ្ជកម្មអឺរ៉ុប-វៀតណាមបានឈានដល់៤៩.៨ពាន់លានដុល្លារអាមេរិក៕ ប្រភពពី VNexpress