-
អាមេរិកចោទអ៊ីរ៉ង់និងរុស្ស៊ីថា លួចជ្រៀតជ្រែកការបោះឆ្នោតប្រធានាធិបតីរបស់ខ្លួន
អាមេរិកថា រុស្ស៊ីនិងអ៊ីរ៉ង់សុទ្ធតែព្យាយាមជ្រៀតជ្រែកក្នុងការបោះឆ្នោតជ្រើសរើសប្រធានាធិបតីអាមេរិក
-
ទីបំផុត! សហរដ្ឋអាមេរិកយល់ព្រមលក់អាវុធទំនើបៗក្នុងតម្លៃប្រមាណ១.៨ពាន់លានដុល្លារដល់កោះតៃវ៉ាន់
អាមេរិក៖ រដ្ឋបាលរបស់លោក ដូណាល់ ត្រាំ បានយល់ព្រមលក់អាវុធទំនើបៗ ដែលមានតម្លៃប្រមាណ១.៨ពាន់លានដុល្លារទៅឱ្យកោះតៃវ៉ាន់ ដែលប្រការនេះ នឹងធ្វើឱ្យចិនខឹងសម្បារ ព្រមទាំងធ្វើឱ្យមានភាពតានតឹងកាន់តែខ្លាំងឡើងរវាងរដ្ឋាភិបាលទីក្រុងវ៉ាស៊ីនតោន និង ទីក្រុងប៉េកាំង នេះបើតាមសារព័ត៌មានរ៉យទ័រនៅថ្ងៃទី២២ ខែតុលា ឆ្នាំ២០២០ ។ ក្រសួងការបរទេសអាមេរិកបានប្រកាសកាលពីថ្ងៃពុធនេះថា ខ្លួនបានផ្តល់ភ្លើងខៀវសម្រាប់ការលក់មីស៊ីលវាយប្រហារចេញពីដីចំនួន១៣៥ដើម ព្រមទាំងគ្រឿងឧបករណ៍ដែលពាក់ព័ន្ធ និង ការបណ្តុះបណ្តាលដល់តៃវ៉ាន់ ដើម្បីបង្កើនសមត្ថភាពការពាររបស់ខ្លួន ។ បើតាមក្រសួងការបរទេសអាមេរិក ការលក់ដែលត្រូវបានស្នើឡើងនេះ បម្រើផលប្រយោជន៍សេដ្ឋកិច្ច និងសន្តិសុខជាតិរបស់សហរដ្ឋអាមេរិក តាមរយៈគាំទ្រការខំខិតប្រឹងប្រែងបន្តរបស់អ្នកទទួល ដើម្បីធ្វើឱ្យមានភាពទំនើបដល់កងទ័ពរបស់ខ្លួននិងរក្សាសមត្ថភាពការពារខ្លួនដែលអាចទុកចិត្តបាន ។ ការលក់នេះនឹងជួយធ្វើឱ្យប្រសើរឡើងនូវសន្តិសុខរបស់អ្នកទទួល និង ជួយរក្សាស្ថិរភាពនយោបាយ និង តុល្យភាពយោធា រួមទាំងការរីកចម្រើនសេដ្ឋកិច្ចនៅក្នុងតំបន់ ៕
-
មជ្ឈមណ្ឌលប្រយុទ្ធនឹងជំងឺឆ្លងអាមេរិក CDC បញ្ជាក់ថា មនុស្សជិត៣សែននាក់ស្លាប់នៅឆ្នាំ២០២០នេះ ក្នុងនោះ២ភាគ៣គឺដោយសារ Covid-19
អាមេរិក៖ ការសិក្សាថ្មីមួយរបស់មជ្ឈមណ្ឌលប្រយុទ្ធនឹងជំងឺឆ្លងអាមេរិក CDC បញ្ជាក់ថា មនុស្សជិត៣សែននាក់នៅក្នុងសហរដ្ឋអាមេរិកបានស្លាប់ថែមទៀត ក្នុងរយៈពេលរវាងចុងខែមករា និងដើមខែតុលា ហើយ២ភាគ៣នៃអ្នកស្លាប់ទាំងនោះ គឺដោយសារជម្ងឺ Covid-19 នេះបើតាមសារព័ត៌មាន CGTN នៅថ្ងៃទី២១ ខែតុលា ឆ្នាំ២០២០ ។ មជ្ឈមណ្ឌលប្រយុទ្ធនឹងជំងឺឆ្លងអាមេរិក CDC បានរកឃើញថា ចំនួនមនុស្សស្លាប់បន្ថែមផ្សេងពីនោះ គឺមនុស្សជំទង់ដែលមានអាយុចន្លោះពី ២៥ និង ៤៤ ឆ្នាំ បានកើនឡើង២៦.៥ភាគរយក្នុងអំឡុងពេលនោះ ដែលជាការកើនឡើងខ្ពស់បំផុតក្នុងចំណោមក្រុមដែលមានអាយុទាំងនោះ ។ អត្រាអ្នកស្លាប់ក៏មានកម្រិតខ្ពស់ដែរ ក្នុងចំណោមមនុស្សមកពីក្រុមជាតិសាសន៍ផ្សេងៗ គឺជនជាតិ Hispanics បានកើនឡើងចំនួន៥៦ភាគរយ ខណៈដែលជនជាតិស្បែកខ្មៅ កើនឡើងចំនួន៣៣ភាគរយ គឺ១២ភាគរយខ្ពស់ជាងជនជាតិអាមេរិកស្បែកស ។ ជនជាតិ Hispanic និងស្បែកខ្មៅ និងពលរដ្ឋអាមេរិកចាស់ៗបានរងផលប៉ះពាល់ខ្លាំងជាងគេ ដោយសារតែឆ្លងការរាតត្បាតនៃជំងឺ Covid-19 ៕
-
អ្នកឆ្លង COVID-19 នៅទូទាំងពិភពលោកកើនឡើងជាង៤១លាន៤សែននាក់ ក្នុងនោះស្លាប់ជាង១លាន១៣ម៉ឺននាក់ និងជាសះស្បើយជាង៣០លាន៩០ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៤១លាន៤៦ម៉ឺន៩ពាន់២៣៣ករណី ក្នុងនោះមានអ្នកជម្ងឺសរុបចំនួន១លាន១៣ម៉ឺន៦ពាន់២៥៤នាក់ស្លាប់ និង ជាសះស្បើយឡើងវិញសរុបចំនួន៣០លាន៩០ម៉ឺន៨ពាន់៣៣៣នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី២២ ខែតុលា ឆ្នាំ២០២០ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៨លាន៥៨ម៉ឺន៤ពាន់៨១៩នាក់ ស្លាប់ចំនួន២២ម៉ឺន៧ពាន់៤០៩នាក់ និងជាសះស្បើយចំនួន៥លាន៦០ម៉ឺន២ពាន់១១៦នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៧លាន៧០ម៉ឺន៥ពាន់១៥៨នាក់ ស្លាប់ចំនួន១១ម៉ឺន៦ពាន់៦៥៣នាក់ និងជាសះស្បើយ៦លាន៨៧ម៉ឺន១ពាន់៨៩៥នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៥លាន៣០ម៉ឺន៦៤៩នាក់ ស្លាប់១៥ម៉ឺន៥ពាន់៤៥៩នាក់ និងជាសះស្បើយ៤លាន៧៥ម៉ឺន៦ពាន់៤៨៩នាក់ ៕
-
លោក ប្រាយុទ្ធ ចាន់អូចា បញ្ជាក់ថា លោកត្រៀមដកចេញវិញនូវវិធានការណ៍បន្ទាន់ក្នុងទីក្រុងបាងកកភ្លាមៗ ប្រសិនបើមិនមានអំពើហិង្សាកើតឡើងទេនោះ
ថៃ៖ ថ្លែងនៅក្នុងសន្ទរកថាទៅកាន់ប្រជាជាតិ នៅថ្ងៃពុធនេះ នាយករដ្ឋមន្ត្រីថៃ លោក ប្រយុទ្ធ ចាន់អូចា បានបញ្ជាក់ថា ខ្ញុំនឹងចាត់វិធានការណ៍ ដើម្បីបន្ធូបន្ថយស្ថានការណ៍នាពេលបច្ចុប្បន្ន… ឥឡូវនេះ ខ្ញុំកំពុងត្រៀមដកចេញវិញនូវវិធានការណ៍បន្ទាន់ក្នុងទីក្រុងបាងកក ហើយខ្ញុំនឹងចេញបទបញ្ជាភ្លាមៗតែម្តង ប្រសិន បើមិនមានអំពើហឹង្សាកើតឡើងទេនោះ នេះបើតាមសារព័ត៌មាន CNA នៅថ្ងៃទី២២ ខែតុលា ឆ្នាំ២០២០ ។ ការកត់សម្គាល់បែបនេះរបស់លោក ប្រាយុទ្ធ បានកើតមានឡើងក្រោយរដ្ឋាភិបាលរបស់លោកបានប្រកាសពីវិធានការណ៍បន្ទាន់ ឬការប្រកាសអាសន្នក្នុងទីក្រុងបាងកក ដើម្បីហាមឃាត់ការប្រមូលផ្តុំចាប់ពីមនុស្ស០៥នាក់ ឬច្រើនជាងនេះ ដើម្បីព្យាយាមបញ្ចប់ការតវ៉ា ដែលបានបន្តអូសបន្លាយអស់រយៈពេល០៣ខែមកហើយ ។ ប៉ុន្តែវិធានការណ៍នេះ មិនត្រឹមតែមិនបានបន្ធូបន្ថយស្ថានការណ៍ប៉ុណ្ណោះទេ តែថែមទាំងបានបញ្ឆេះកំហឹងក្រុមបាតុករឲ្យកាន់តែខ្លាំងឡើង ។ សូមរំលឹកឡើងវិញថា បាតុកម្មនៅក្នុងប្រទេសថៃ បានផ្ទុះឡើងចាប់តាំងពីពាក់កណ្តាលខែកក្កដាកន្លងទៅ ដើម្បីទាមទារឲ្យនាយករដ្ឋមន្ត្រីថៃលោក ប្រាយុទ្ធ ចាន់អូចា ចុះចេញពីតំណែង និងកាត់បន្ថយអំណាចរបស់ព្រះមហាក្សត្រថ្មី ព្រះបាទ មហា វិជ្ជរ៉ាឡុងកន ៕
-
កូវីដ១៩៖ ថៃគ្រោងបន្ថយថ្ងៃធ្វើចត្តាឡីស័កទេសចរ ឬមិនចាំបាច់តែម្តង
កូវីដ១៩៖ ថៃគ្រោងបន្ថយថ្ងៃធ្វើចត្តាឡីស័កទេសចរបរទេស ត្រឹម១០ថ្ងៃ
-
ស្ថានភាពកូវីដ១៩ក្នុងប្រទេសអាស៊ានទាំង១០
ការឆ្លងថ្មីនៃវីរុសកូវីដ១៩ក្នុងប្រទេសអាស៊ានទាំង១០នៅក្នុងរយ:ពេលនេះ២៤ម៉ោងចុងក្រោយនេះមានចំនួន៧ពាន់៩១៧ករណី និងការស្លាប់ថ្មីមានចំនួន២១៤នាក់។
-
វៀតណាមនឹងរងការប្រហារពីព្យុះថ្មីមួយទៀត ចុងសប្តាហ៍នេះ
អាជ្ញាធរនៅក្នុងប្រទេសវៀតណាម កំពុងដុតដៃដុតជើង ជម្លៀសប្រជាជនរាប់ពាន់នាក់ចេញពីផ្ទះសម្បែងរបស់ពួកគេ ទៅកាន់ទីទួលមានសុវត្ថិភាព ខណៈព្យុះត្រូពិក Saudel កំពុងរំកិលកាន់តែខិតជិតដល់ប្រទេសមួយនេះ ដែលកំពុងរងគ្រោះធ្ងន់ធ្ងរស្រាប់ដោយសារទឹកជំនន់ និងការរអិលបាក់ដី។ បន្ទាប់ពីបានវាយប្រហារប្រទេសហ្វីលីពីន ព្យុះត្រូពិក Saudel កំពុងធ្វើដំណើរឆ្លងកាត់តំបន់សមុទ្រចិនខាងត្បូងនៅថ្ងៃពុធនេះ ហើយវាត្រូវបានគេរំពឹងថា នឹងមកដល់វៀតណាមនៅថ្ងៃអាទិត្យចុងសប្ដាហ៍នេះ ដោយនឹងវាយប្រហារលើតំបន់ភាគកណ្ដាលនៃប្រទេស។ តំបន់ភាគកណ្ដាលប្រទេសវៀតណាមបាននិងកំពុងរងគ្រោះស្រាប់ទៅហើយ ដោយសារជំនន់ទឹកភ្លៀងដ៏អាក្រក់បំផុត មិនធ្លាប់មានក្នុងរយៈពេលជាង ២ទសវត្សរ៍មកនេះ ដែលបានផ្ដាច់ជីវិតមនុស្ស ១១១នាក់គិតត្រឹមថ្ងៃពុធនេះ ខណៈមនុស្ស ២២នាក់ទៀតបាត់ខ្លួន៕ ប្រភពពី cna
-
ឆ្នាំ២០២០ កំពូលមហាសេដ្ឋីនៅចិនរកចំណូលកើនខ្លាំងដល់ ១.៤ទ្រីលានដុល្លារ ក្នុងបរិបទកូវីដ១៩
កំពូលមហាសេដ្ឋីនៅចិនរកចំណូលកើនខ្លាំងដល់ ១.៤ទ្រីលានដុល្លារ ក្នុងបរិបទកូវីដ១៩
-
មនុស្សជិត៦ម៉ឺននាក់ឆ្លងកាត់ការធ្វើតេស្តវ៉ាក់សាំង Covid-19 របស់ចិន ដោយពុំមានរបាយការណ៍អំពីប្រតិកម្មធ្ងន់ធ្ងរ
ចិន៖ បេក្ខភាពវ៉ាក់សាំង Covid-19 ចំនួន០៤របស់ចិន បានឆ្លងផុតដំណាក់កាលសាកល្បងព្យាបាលទី៣ហើយ ដែលមានប្រជាជនជិត៦ម៉ឺននាក់ទទួលការធ្វើតេស្ត ដោយពុំមានរបាយការណ៍អំពីប្រតិកម្មធ្ងន់ធ្ងរ នេះបើតាមសារព័ត៌មាន CGTN នៅថ្ងៃទី២១ ខែតុលា ឆ្នាំ២០២០ ។ មន្រី្តជាន់ខ្ពស់មកពីក្រសួងបច្ចេកវិទ្យា និងវិទ្យាសាស្រ្តចិន លោក ធាន បោហ្គូ បានប្រាប់អ្នកយកព័ត៌មានថា បច្ចុប្បន្នចិនកំពុងស្រាវជ្រាវបង្កើតវ៉ាក់សាំងប្រឆាំង Covid-19 ចំនួន១៣ បានឈានដល់ដំណាក់កាលសាកល្បងព្យាបាល ក្នុងនោះមានវ៉ាក់សាំងចំនួន០៤ ឆ្លងផុតដំណាក់កាលសាកល្បងព្យាបាលទី៣ ។ ដោយឡែកអគ្គនាយកសាជីវកម្មឱសថជាតិចិន លោក លីវ ជីង ចិន បានអះអាងដែរថា បច្ចុប្បន្នក្រុមហ៊ុនកំពុងរៀបចំសម្រាប់ផលិតកម្មទ្រង់ទ្រាយធំ ដោយមានគំរោងនៅក្នុងឆ្នាំក្រោយផលិតវ៉ាក់សាំង Covid-19 ច្រើនជាងមួយពាន់លានដូស ។ វ៉ាក់សាំងចំនួនពីររបស់ក្រុមហ៊ុនខាងលើនេះ បានឈានដល់ដំណាក់កាលទី៣ នៃការសាកល្បងព្យាបាលក្នុងខែកក្កដាកន្លងទៅ ហើយគ្រោងនឹងចាប់ផ្តើមចេញលក់នៅទីផ្សារនៅចុងខែធ្នូ ឆ្នាំ២០២០ខាងមុខនេះ ៕