នាយករដ្ឋមន្ត្រី​ ​Pray​u​t​ C​h​an​-o-c​h​a​ ​បាន​និយាយ​ថា​ ​ប្រទេស​ថៃ​ចាំបាច់​ត្រូវតែ​នាំ​ពួក​បាតុករ​ខុសច្បាប់​ ​ឲ្យ​ស្ថិត​ការ​គ្រប់គ្រង

វៀតណាមត្រៀមខ្លួនជម្លៀសប្រជាពលរដ្ឋ១លាន៣សែននាក់ ខណៈដែលព្យុះ Molave ដែលបានវាយប្រហារហ្វីលីពីន កាលពីយប់មិញ បង្កជាការបាក់ដីនិងទឹកជំនន់ ហើយអ្នកនេសាទរជាច្រើននាក់បាត់ខ្លួន នាថ្ងៃចន្ទ ទី២៦ តុលានេះ។ព្យុះសង្ឃរាដែលមានល្បឿនខ្យល់១២៦គីឡូម៉ែត្រក្នុង១ម៉ោង ឬអាចឈានដល់១៥០គីឡូម៉ែត្រ បានធ្វើឲ្យកោះ Luzon របស់ហ្វីលីពីន ត្រូវបានភ្លៀងជន់លិច បាក់ដី ក្នុងតំបន់ជាច្រើន នេះបើតាមអាជ្ញាធរហ្វីលីពីន។ ព្យុះទី១៧ ដែលធ្លាប់វាយប្រហារហ្វីលីពីនខ្លាំងកាលពីឆ្នាំមុនដែរនោះ ត្រូវបានព្យាករណ៍ថា នឹងវាយប្រហារតំបន់កណ្តាលវៀតណាម នៅថ្ងៃពុធ សប្តាហ៍នេះ ជាមួយនឹងល្បឿនខ្យល់ ១៣៥គីឡូម៉ែត្រក្នុង១ម៉ោង។ បើបែបនេះមែន វានឹងក្លាយជាព្យុះទី៤ដែលវាយប្រហារវៀតណាម ក្នុងពេល១ខែនេះ ខណៈដែលព្យុះមុនៗ បណ្តាលឲ្យវៀតណាមស្លាប់មនុស្ស១៣០នាក់ បាត់ខ្លួន២០នាក់ នៅតំបន់កណ្តាល។ នាយករដ្ឋមន្ត្រីវៀតណាម Nguyen Xuan Phuc បានប្រកាសថា ព្យុះ Molave នេះនឹងមានឥទ្ធិពលខ្លាំងណាស់ ដែលនឹងវាយប្រហារតំបន់ជាច្រើន ដោយបានផ្ញើសារព្រមាននេះទៅកាន់បណ្តាខេត្ត និងក្រុង ដែលត្រូវព្យុះនេះវាយប្រហារ៕ ប្រភពពី Rueters

AKP ភ្នំពេញថ្ងៃទី ២៦ ខែតុលា ឆ្នាំ ២០២០​ — កាលពីព្រឹកថ្ងៃទី ២៥ ខែតុលា គ្រោះរញ្ជួយដីកម្រិត ៥,៩រ៉ិចទ័របានវាយប្រហារនៅភាគនិរតីនៃស្រុក Pangandaran ក្នុងខេត្តជ្វាភាគខាងលិចនៃប្រទេសឥណ្ឌូណេស៊ី។ យោងតាមទីភ្នាក់ងារឧតុនិយម អាកាសធាតុ និងភូគព្ភសាស្រ្ត (BMKG) ដែលមានមូលដ្ឋាននៅទីក្រុងហ្សាការតាបានឱ្យដឹងថា ចំណុចកណ្តាលនៃការរញ្ជួយដីនេះមានទីតាំងស្ថិតនៅចម្ងាយប្រហែល ៩០គីឡូម៉ែត្រពីស្រុក Pangandaran ហើយមានជម្រៅ ១០គីឡូម៉ែត្រ។ កាលពីថ្ងៃទី ១៩ ខែតុលា មានគ្រោះរញ្ជួយដីពីរលើកជាប់គ្នាដែលមានកម្រិត ៥,៧រ៉ិចទ័រ និង ៥,៨រ៉ិចទ័រ បានវាយប្រហារនៅតំបន់ភាគខាងលិចនៃប្រទេសឥណ្ឌូណេស៊ី។ គ្រោះរញ្ជួយដីតែងតែកើតឡើងជារឿយៗនៅតាមផ្នែកផ្សេងៗនៃប្រទេសឥណ្ឌូណេស៊ី ដោយសារតែប្រទេសនេះស្ថិតនៅលើខ្សែក្រវាត់ Circum – Pacific ដែលត្រូវបានគេស្គាល់ផងដែរថា ជាចិញ្ចៀនភ្លើងដែលជាកន្លែងជួបគ្នានៃបន្ទះរចិតវិវត្តន៍ជាច្រើន និងបណ្តាលឱ្យមានសកម្មភាពបន្ទុះភ្នំភ្លើង និងរញ្ជួយជាញឹកញាប់។ គ្រោះរញ្ជួយដីដែលមានគ្រោះថ្នាក់បំផុតមួយនៅឥណ្ឌូណេស៊ីដែលបានកើតឡើងក្នុងរយៈពេលពីរឆ្នាំមុន គឺការរញ្ជួយមួយដែលបានវាយប្រហារតំបន់ជាច្រើននៃខេត្ត Sulawesi។ គ្រោះរញ្ជួយដីដែលមានកម្លាំង ៧,៤រ៉ិចចទ័រដែលកើតឡើងបន្ទាប់ពីមានរលកយក្សស៊ូណាមិដែលបានវាយប្រហារតំបន់មួយចំនួននៃទីក្រុង Palu និងស្រុក Donggala ស្រុក Paringi និងស្រុក Sigi កាលពីថ្ងៃទី ២៨…

AKP ភ្នំពេញថ្ងៃទី ២៦ ខែតុលា ឆ្នាំ ២០២០​ — ប្រធានាធិបតីឥណ្ឌូណេស៊ី លោក ចូកូ វីដូដូ បានចេញបទបញ្ជាឱ្យគណៈរដ្ឋមន្រ្តីរបស់លោកកំណត់គោលដៅកាត់បន្ថយការនាំចេញធ្យូងថ្មដែលមិនទាន់កែច្នៃ និងពន្លឿនផែនការអភិវឌ្ឍឧស្សាហកម្មនិស្សន្ទវត្ថុសម្រាប់កែច្នៃប្រេងឥន្ធនៈនៅក្នុងប្រទេសសេដ្ឋកិច្ចធំបំផុតនៅអាស៊ីអាគ្នេយ៍មួយនេះ។ ប្រធានាធិបតីរូបនេះបាននិយាយថា ប្រទេសឥណ្ឌូណេស៊ីដែលជាប្រទេសនាំចេញធ្យូងថ្មកំដៅធំជាងគេក្នុងពិភពលោកគួរតែអភិវឌ្ឍឧស្សាហកម្មក្នុងស្រុកឱ្យបានឆាប់រហ័ស ដើម្បីធ្វើឱ្យធ្យូងថ្មរបស់ខ្លួនមានភាពប្រសើរឡើង និងកែច្នៃវាឱ្យទៅជារាវ និងឱ្យទៅជាឧស្ម័ន ដោយលោកបានជំរុញឱ្យបណ្តារដ្ឋមន្រ្តីនានាកំណត់បរិមាណនៃទិន្នផលដែលអាចត្រូវបានប្រើប្រាស់សម្រាប់ដំណើរការកែច្នៃបែបនេះ។ រដ្ឋាភិបាលឥណ្ឌូណេស៊ីមានគោលបំណងដើម្បីជំនួសផ្នែកខ្លះនៃការនាំចូលឧស្ម័នឥន្ធនៈរាវ (LPG) ដែលប្រើប្រាស់ដោយប្រជាជនឥណ្ឌូណេស៊ីជាប្រេងឥន្ធនៈប្រភេទ DME ដែលផលិតចេញពីធ្យូងថ្ម។ លោក វីដូដូ ក៏បានស្នើឱ្យគណៈរដ្ឋមន្ត្រីបង្កើតផែនទីបង្ហាញផ្លូវសម្រាប់បង្កើនប្រសិទ្ធភាពធ្យូងថ្មដើម្បីជំរុញការអភិវឌ្ឍវិស័យធ្យូងថ្មក្នុងស្រុក ដោយប្រើប្រាស់បច្ចេកវិទ្យាដែលមិនប៉ះពាល់ដល់បរិស្ថាន។ ប្រទេសឥណ្ឌូណេស៊ីបានព្យាយាមស្វែងរកគុណតម្លៃបន្ថែមទៀតពីធនធានរ៉ែដ៏សម្បូរបែបរបស់ខ្លួន រាប់ចាប់ពីរ៉ែទង់ដែងរហូតដល់រ៉ែនីកែល ដោយកែច្នៃវត្ថុធាតុដើមទាំងនោះនៅក្នុងប្រទេសខ្លួន។ ក្រុមហ៊ុនរុករករ៉ែធ្យូងថ្ម PT Bukit Asam ដែលគ្រប់គ្រងដោយរដ្ឋ កំពុងសាងសង់រោងចក្រផលិតឧស្ម័នធ្យូងថ្មដែលគ្រោងនឹងផលិតប្រេងឥន្ធនៈប្រភេទ DME ឱ្យបានចំនួន ១,៤លានតោនក្នុងមួយឆ្នាំ ចាប់ពីឆ្នាំ ២០២៥ ទៅ។ ប្រទេសឥណ្ឌូណេស៊ីបានផលិតធ្យូងថ្មចំនួន ៦១០លានតោនកាលពីឆ្នាំមុន និងបានកំណត់គោលដៅចំនួន ៥៥០លានតោននៅក្នុងឆ្នាំ ២០២០។ ធ្យូងថ្មភាគច្រើនរបស់ប្រទេសឥណ្ឌូណេស៊ីត្រូវបាននាំចេញ ហើយចំនួនដែលនៅសល់ត្រូវបានប្រើប្រាស់ជាចម្បងនៅក្នុងការផលិតថាមពល។ យោងតាមអគ្គនាយកដ្ឋានរ៉ែ និងធ្យូងថ្ម នៃក្រសួងថាមពល និងធនធានរ៉ែនៃប្រទេសឥណ្ឌូណេស៊ីបានឱ្យដឹងថា ការផលិតធ្យូងថ្មរបស់ឥណ្ឌូណេស៊ីបានឈានដល់ចំនួន…

AKP ភ្នំពេញថ្ងៃទី ២៦ ខែតុលា ឆ្នាំ ២០២០​ — ប្រទេសហ្វីលីពីនបានជម្លៀសប្រជាជនប្រមាណជិត ១.៨០០នាក់ និងផ្អាកការធ្វើដំណើរតាមសមុទ្រ ខណៈដែលព្យុះត្រូពិច Molave ត្រូវបានគេរំពឹងថានឹងនាំមកនូវភ្លៀងធ្លាក់រាយប៉ាយនៅលើតំបន់ចំនួន ២ នៅភាគខាងត្បូងនៃកោះ Luzon នៅថ្ងៃទី ២៥ ខែតុលា។ ការិយាល័យអាកាសធាតុជាតិបាននិយាយដោយព្រមានថា ខ្យល់ព្យុះស៊ីក្លូនត្រូពិចនឹងបង្កជាបញ្ហាសម្រាប់ខេត្តមួយចំនួនក្នុងតំបន់ Bicol និង Calabarzon ។ យោងតាមទីភ្នាក់ងារគ្រប់គ្រងគ្រោះមហន្តរាយបានឱ្យដឹងថា ប្រតិបត្តិការធ្វើដំណើរតាមសមុទ្រត្រូវបានលុបចោលនៅក្នុងតំបន់ Calabarzon ដោយមានមនុស្សចំនួន ៦៦២នាក់បានជាប់គាំងនៅកំពង់ផែដោយសារតែមានខ្យល់បក់ខ្លាំង។ នៅក្នុងខេត្ត Bicol ប្រជាជនសរុបចំនួន ៥៣២គ្រួសារ ឬស្មើនឹង ១.៧៨៩នាក់ត្រូវបានជម្លៀសជាមុនទៅកាន់ទីជម្រកបណ្តោះអាសន្ន។ ព្យុះ Molave បានកើតឡើងបន្ទាប់ពីព្យុះ Saudel ដែលបានកើតឡើងកាលពីសប្តាហ៍មុន ហើយបានបង្កឱ្យមានទឹកជំនន់រីករាលដាលនៅក្នុងខេត្ត Quezon ក្នុងតំបន់ Calabarzon នៅភាគអាគ្នេយ៍នៃរដ្ឋធានីម៉ានីល។ បន្ទាប់ពីឆ្លងកាត់ប្រជុំកោះហ្វីលីពីនហើយ ព្យុះ Molave ត្រូវបានគេរំពឹងថានឹងបន្តទៅលើសមុទ្រខាងកើតដែលអាចក្លាយទៅជាប្រភេទព្យុះទីហ្វុងនៅត្រឹមល្ងាចថ្ងៃទី ២៧ ខែតុលា៕ (ប្រភព VNA បកប្រែដោយលោក…

AKP ភ្នំពេញថ្ងៃទី ២៦ ខែតុលា ឆ្នាំ ២០២០​ — កាលពីថ្ងៃអាទិត្យកាសែត Yedioth Ahronot បានរាយការណ៍ថា ប្រទេសអ៊ីស្រាអែលបានបញ្ជូនជំនួយមនុស្សធម៌ទៅអាស៊ែបៃហ្សង់ ហើយបានស្នើផ្តល់ជំនួយដូចគ្នានេះសម្រាប់ប្រទេសអារមេនីដែរ ប៉ុន្តែមិនទាន់មានការឆ្លើយតបណាមួយពីទីក្រុង Yerevan នៅឡើយទេ។ យោងតាមកាសែត Yedioth Ahronot បានឱ្យដឹងថា បន្ទាប់ពីការស្នើសុំរបស់ទីក្រុង Baku សម្រាប់ជំនួយមនុស្សធម៌ និងវេជ្ជសាស្ត្រ ទីក្រុង Tel Aviv បានបញ្ជូនគ្រឿងបរិក្ខារពេទ្យ ក៏ដូចជាសម្ភារៈចាំបាច់មួយចំនួនដូចជា ឧបករណ៍សង្រ្គោះបឋម សម្លៀកបំពាក់ ភួយ និងឧបករណ៍កម្តៅសម្រាប់មនុស្សគ្មានផ្ទះសម្បែងទៅកាន់ប្រទេសអាស៊ែបៃហ្សស្តង់កាលពីសប្តាហ៍មុន។ កាសែតនេះបាននិយាយថា កាលពីដើមខែតុលា ប្រទេសអ៊ីស្រាអែលក៏បានស្នើផ្តល់ជំនួយដល់ប្រទេសអារមេនីដែរ ប៉ុន្តែរហូតមកដល់ពេលនេះ ទីក្រុង Yerevan បានបរាជ័យក្នុងការឆ្លើយតបទៅនឹងសំណើនេះ។ ក្រសួងការបរទេសអ៊ីស្រាអែលមិនទាន់ធ្វើអត្ថាធិប្បាយណាមួយអំពីព័ត៌មាននេះនៅឡើយទេ។ កាលពីដើមខែតុលា អ្នកនាំពាក្យក្រសួងការបរទេសអារមេនី លោកស្រី Anna Naghdalyan បាននិយាយថា ទីក្រុង Yerevan កំពុងកោះហៅឯកអគ្គរដ្ឋទូតរបស់ខ្លួនប្រចាំនៅអ៊ីស្រាអែលដើម្បីពិគ្រោះយោបល់ស្តីពីការផ្គត់ផ្គង់អាវុធដោយប្រទេសនេះទៅឱ្យអាស៊ែបៃហ្សង់។ ការប្រយុទ្ធគ្នានៅលើខ្សែនៃទំនាក់ទំនងនៅក្នុងសាធារណរដ្ឋ ណាហ្កោណូ – ការ៉ាបាក់ បានកើនឡើងកាន់តែខ្លាំងឡើងៗកាលពីថ្ងៃទី…

AKP ភ្នំពេញថ្ងៃទី ២៦ ខែតុលា ឆ្នាំ ២០២០​ — កាលពីថ្ងៃអាទិត្យ យោងតាមអ្នកឆ្លើយឆ្លងព័ត៌មានរបស់ Sputnik នៅកន្លែងកើតហេតុបានឱ្យដឹងថា ការធ្វើបាតុកម្មប្រឆាំងរដ្ឋាភិបាលបានបន្តធ្វើឡើងនៅកណ្តាលទីក្រុងបាងកក បន្ទាប់ពីឱសានវាទនៃការជំរុញឱ្យនាយករដ្ឋមន្រ្តីថៃ លោក ប្រាយុធ ចានអូចា លាលែងពីតំណែងត្រូវបានផុតកំណត់។ កាលពីថ្ងៃពុធ ក្រុមបាតុករបានដាក់ចេញនូវឱសានវាទរយៈពេល ៣ថ្ងៃ ដោយអំពាវនាវឱ្យនាយករដ្ឋមន្រ្តីរូបនោះចុះចេញពីតំណែងនៅត្រឹមម៉ោង ២២:០០នាទីយប់ថ្ងៃសៅរ៍ ម៉ោងក្នុងស្រុក (15:00​ GMT) បើមិនដូច្នេះទេ ពួកគេនឹងបន្តធ្វើបាតុកម្ម។ លោក ប្រាយុធ មិនបានបំពេញតាមតម្រូវការនោះទេ ហើយរដ្ឋធានីមួយនេះក៏ត្រូវបានលិចលង់ម្តងទៀតជាមួយក្រុមបាតុករ ។ មនុស្សជាង ២.០០០នាក់បានប្រមូលផ្តុំគ្នានៅជិតមជ្ឈមណ្ឌលផ្សារទំនើប Central Wordl និង Amarin Plaza។ នៅវេលាម៉ោង ០៩:២០ GMT ក្រុមបាតុករបានបិទចរាចរណ៍នៅផ្លូវបំបែក Ratchaprasong ។ ក្រុមមន្រ្តីប៉ូលីសបានជំរុញឱ្យក្រុមបាតុករបំបែកគ្នានៅត្រឹមម៉ោង ១០:០០ GMT ប៉ុន្តែការអំពាវនាវនេះមិនទទួលបានការឆ្លើយតបទេ។ ការធ្វើបាតុកម្មប្រឆាំងរដ្ឋាភិបាលត្រូវបានបញ្ឆេះឡើងវិញកាលពីខែកុម្ភៈ នៅពេលដែលតុលាការរដ្ឋធម្មនុញ្ញបានហាមប្រាមគណបក្សប្រឆាំង ដែលជាគណបក្សនេះមានការពេញនិយមចូលចិត្តពីក្នុងចំណោមសិស្សនិស្សិត។ ក្រុមបាតុករបានទាមទារឱ្យមានការកំណត់អំណាចរបស់ព្រះមហាក្សត្រ ការលាលែងរបស់នាយករដ្ឋមន្រ្តី និងការដោះលែងអ្នកជាប់ឃុំមួយចំនួន៕…

AKP ភ្នំពេញថ្ងៃទី ២៦ ខែតុលា ឆ្នាំ ២០២០​ — ប្រធានាធិបតីរុស្ស៊ី លោក វ៉្លាឌីមៀរ ពូទីន បាននិយាយថា ការបន្តនូវវត្តមានរបស់កងទ័ពអាមេរិកនៅអាហ្វហ្គានីស្ថាន គឺមានអត្ថប្រយោជន៍សម្រាប់សន្តិសុខទូទៅ។ លោក ពូទីន បាននិយាយនៅក្នុងបទសម្ភាសន៍មួយជាមួយកម្មវិធី «មូស្គូ ក្រឹមឡាំង ពូទីន» របស់ស្ថានីយ៍ទូរទស្សន៍ Rossiya-1 ថា «ជាការផ្តួចផ្តើម យើងគាំទ្រវត្តមានរបស់កងកម្លាំងអាមេរិកនៅអាហ្វហ្គានីស្ថាន ហើយបានបោះឆ្នោតគាំទ្រសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិរៀងៗខ្លួន។ ខ្ញុំនៅតែជឿជាក់ថា វត្តមានរបស់សហរដ្ឋអាមេរិកនៅអាហ្វហ្គានីស្ថានមិនផ្ទុយពីផលប្រយោជន៍ខាងក្រៅរបស់យើងទេ»។ លោក ពូទីន បាននិយាយថា «ផ្ទុយមកវិញ នៅពេលត្រូវបានគេប្រកាសថា ជនជាតិអាមេរិកកំពុងរៀបចំដកទ័ពរបស់ខ្លួន – មែនហើយ ជំហរផ្លូវការរបស់យើងគឺថាវាអាចបង្កើតលក្ខខណ្ឌបន្ថែមសម្រាប់ការផ្សះផ្សាអាហ្វហ្គានីស្ថាន ប៉ុន្តែខ្ញុំផ្ទាល់គិតថា វានឹងបង្កើតហានិភ័យជាច្រើន»។ មេដឹកនាំរុស្ស៊ីរូបនេះបានពន្យល់ថា «ជាដំបូង យើងនឹងត្រូវចំណាយបន្ថែមទៀតដើម្បីរក្សាស្ថិរភាព ហើយទី ២ វាមិនមានជាបញ្ហាអ្វីនោះទេបើទោះបីជានៅមានវត្តមានរបស់អាមេរិកនៅអាហ្វហ្គានីស្ថាន ដែលវាបានចូលរួមចំណែកដល់ស្ថិរភាពនៅក្នុងប្រទេស ហើយការចាកចេញរបស់ពួកគេនឹងបង្កើតហានិភ័យជាច្រើន។ យើងមិនចាំបាច់ប្រឆាំងទៅនឹងវត្តមានរបស់អាមេរិកនៅទីនោះទេ»៕ (ប្រភព TASS បកប្រែដោយលោក យា ចិន្តាខន្តី) ប្រភព៖ ក្រសួងព័ត៌មាន

វៀតណាមត្រៀមខ្លួនជម្លៀសប្រជាពលរដ្ឋ១លាន៣សែននាក់ ខណៈដែលព្យុះ Molave ដែលបានវាយប្រហារហ្វីលីពីន កាលពីយប់មិញ