ភ្នំពេញ៖ ក្រសួងអប់រំ យុវជន និងកីឡា បានរៀបចំវគ្គបណ្តាលស្តីពីការបញ្ជារ៉ូបូត ដល់គ្រូបច្ចេកទេសជំនាញអគ្គិសនី អេឡិចត្រូនិច និងមេកានិច ដើម្បីពង្រីកសមត្ថភាពលើជំនាញបច្ចេកទេស ឱ្យស្របតាមបដិវត្តន៍ឧស្សាហកម្មឌីជីថល និងពង្រឹងការអនុវត្តកម្មវិធីសិក្សាផ្នែកអប់រំបច្ចេកទេសឱ្យកាន់តែប្រសើរ។ ប្រភពក្រសួងអប់រំ យុវជន និងកីឡា កាលពីថ្ងៃទី២០ ខែកញ្ញា ឆ្នាំ២០២៣ បានឱ្យដឹងថា វគ្គបណ្តុះបណ្តាលស្តីពី «ការបញ្ជារ៉ូបូត» ដល់គ្រូអប់រំបច្ចេកទេសជំនាញអគ្គិសនី អេឡិចត្រូនិច និងមេកានិចនេះ គឺធ្វើឡើងចាប់ពីថ្ងៃទី២០ដល់ថ្ងៃទី២២ ខែកញ្ញា ឆ្នាំ២០២៣។ កម្មវិធីនេះ រៀបចំនៅខេត្តសៀមរាប ដែលមានអ្នកចូលរួមសរុបចំនួន៥៥នាក់ មកពី១៤វិទ្យាល័យចំណេះទូទៅ និងបច្ចេកទេស។ នាឱកាសនោះ ឯកឧត្តម ជួន ជីវិន រដ្ឋលេខាធិការក្រសួងអប់រំ យុវជន និងកីឡា បានឱ្យដឹងថា ក្រសួងបង្កើតវគ្គបណ្តាលនេះឡើង គឺគោលបំណងបង្កើនចំណេះដឹង និងពង្រីកសមត្ថភាពលើជំនាញបច្ចេកទេសក្នុងការបញ្ជារ៉ូបូត ស្របតាមបដិវត្តន៍ឧស្សាហកម្មឌីជីថល ៤.០ ។  លោកបន្តថា៖« វគ្គបណ្តុះបណ្តាលនេះ ក៏អាចជួយបង្កើនស្វ័យប្រវត្តិកម្មដល់ផលិតកម្ម និងដើម្បីពង្រឹងការអនុវត្តកម្មវិធីសិក្សាផ្នែកអប់រំបច្ចេកទេសជំនាញអេឡិចត្រូនិច អគ្គិសនី និងមេកានិច ឱ្យកាន់តែមានប្រសិទ្ធភាពនៅតាមវិទ្យាល័យចំណេះទូទៅ និងបច្ចេកទេសផងដែរ»។ រដ្ឋលេខាធិការក្រសួងអប់រំ ក៏បានថ្លែងអំណរគុណដល់លោកនាយកនិងមន្ត្រីទាំងអស់…

ភ្នំពេញ៖ ក្នុងជំនួបពិភាក្សាការងារជាមួយប្រតិភូសមាគមសហគ្រិនស្ត្រីកម្ពុជា នាថ្ងៃទី២០ ខែកញ្ញា ឆ្នាំ២០២៣ នៅទីស្តីការក្រសួង ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានថ្លែងថា ក្រសួងនឹងផ្តល់ ការបណ្តុះបណ្តាលម្ចាស់អាជីវកម្ម ស្តីពីសហគ្រិនភាព និងការបណ្តុះបណ្តាលបុគ្គលិករបស់ក្រុមហ៊ុនឯកជន លើជំនាញបច្ចេកទេសដោយឥតគិតថ្លៃ នាថ្ងៃខាងមុខ។ ឯកឧត្តមរដ្ឋមន្ត្រី បន្តថា៖ “ម្ចាស់អាជីវកម្មដែលចង់អភិវឌ្ឍសហគ្រិនភាព រួមទាំងបុគ្គលិកដើម្បីពង្រឹងអាជីវកម្មរបស់ខ្លួន អាចចូលរួមសិក្សានៅគ្រប់ទីតាំងនានាដែលស្ថិតក្រោមដែនសមត្ថកិច្ចរបស់ក្រសួងការងារ និងបណ្តុះបណ្តាលវិជ្ជាជីវៈបានដោយឥតគិតថ្លៃ ក្រសួងស្វាគមន៍” ។ ឯកឧត្តមរដ្ឋមន្ត្រីបន្ថែមថា ដើម្បីជួយសម្រួលដល់ម្ចាស់អាជីវកម្ម និងបុគ្គលិកក្នុងការពង្រឹងសមត្ថភាព កម្មវិធីបណ្តុះបណ្តាលមានភាពបត់បែនខ្ពស់ មានកម្រិតស្តង់ដាដែលសិក្ខាកាមអាចសិក្សាបាននៅពេលយប់ ឬចុងសប្តាហ៍។ ប្រការនេះ អាជីវកម្មក៏នៅតែអាចដំណើរការបានដោយរលូន ហើយសិក្ខាកាមក៏នៅតែអាចសិក្សារៀនសូត្របំប៉នសមត្ថភាពរបស់ខ្លួនបានផងដែរ។ ក្នុងជំនួបដដែលនោះ ឯកឧត្តមរដ្ឋមន្ត្រីបានលើកឡើងថា គោលនយោបាយរបស់រាជរដ្ឋាភិបាលអាណត្តិទី៧ ក្នុងវិស័យការងារ និងបណ្តុះបណ្តាលវិជ្ជាជីវៈមានភាពអនុគ្រោះខ្ពស់លើលក្ខខណ្ឌច្បាប់ និងអនុលោមភាពមួយចំនួន ដើម្បីធ្វើយ៉ាងណាឱ្យជីវកម្មលក្ខណៈគ្រួសារ ឬសហគ្រាសខ្នាតតូច ឬអ្នកប្រកបអាជីវកម្មផ្នែកសេដ្ឋកិច្ចក្រៅប្រព័ន្ធ និងតូចតាច អាចពង្រីកអាជីវកម្មរបស់ខ្លួន។ ជាមួយគ្នានេះ ឯកឧត្តមរដ្ឋមន្ត្រីបានជំរុញឱ្យសមាគមសហគ្រិនស្ត្រី ក៏ដូចជាក្រុមហ៊ុនឯកជនទាំងអស់ត្រូវត្រៀមស្វែងរកចំណុច ឬបញ្ហារួមរបស់វិស័យឯកជន ដើម្បីលើកជូនប្រមុខរាជរដ្ឋាភិបាលកម្ពុជាក្នុងវេទិការដ្ឋនិងឯកជន ដែលនឹងប្រព្រឹត្តទៅនៅខែវិច្ឆិកា ឆ្នាំ២០២៣ខាងមុខ ដើម្បីដោះស្រាយឱ្យចំគោលដៅ៕ ដោយ៖ម៉ាដេប៉ូ

ភ្នំពេញ៖ សិស្សមេធាវី ជំនាន់ទី១៩ ដែលបានកំពុងសិស្សា នៅមជ្ឈមណ្ឌលបណ្តុះបណ្តាល វិជ្ជាជីវៈមេធាវីសរុបចំនួន ៨៥នាក់ ទទួលបានការអនុវត្តផ្ទាល់ ពីសាវនាការត្រាប់ក្នុងរឿងក្តីរដ្ឋប្បវេណី និងរឿងព្រហ្មទណ្ឌ បន្ថែមលើការសិក្សា ទ្រឹស្តី និងចុះកម្មសិក្សា។ សាវនាត្រាប់ សំរាប់ការអនុវត្តន៍ផ្ទាល់ ត្រូវបានធ្វើឡើងដើម្បីពង្រឹងបន្ថែមសមត្ថភាព ត្រូវបានធ្វើឡើងមួយថ្ងៃពេញ ដោយមានការអញ្ជើញត្រួតពិនិត្យ និងវាយតំលៃ ដោយផ្ទាល់ ពី ឯកឧត្តម លី ច័ន្ទតុលា ប្រធានគណៈមេធាវី នៃកម្ពុជា និងមានការចូលរួម ពីគ្រូ ដែលជាអ្នកបណ្តុះបណ្តាល ។ ឯកឧត្តម លី ច័ន្ទតុលា បានជម្រាបអំពីគោលបំណងនៃការដាក់ឱ្យមានកម្មវិធីសវនាការត្រាប់នៅក្នុងកម្មវិធីសិក្សារបស់សិស្សមេធាវី និងបានណែនាំដល់សិស្សមេធាវីជំនាន់ទី១៩ទាំងអស់ ត្រូវពង្រឹងសមត្ថភាពចំណេះដឹងការរៀនសូត្រនៅក្នុងថ្នាក់ផ្សារភ្ជាប់ទៅនឹងការអនុវត្តជាក់ស្តែង ព្រមទាំងគោរពអនុវត្តឱ្យបានខ្ជាប់ខ្ជួនតាមបទបញ្ជាផ្ទៃក្នុងរបស់មជ្ឈមណ្ឌលបណ្តុះបណ្តាលវិជ្ជាជីវៈមេធាវី ច្បាប់លក្ខន្តិកៈមេធាវី ក្រមសីលធម៌មេធាវី និងបទបញ្ជាផ្ទៃក្នុងគណៈមេធាវី ដើម្បីពង្រឹងនិងពង្រីកចំណេះដឹងក្នុងគោលដៅលើកកម្ពស់ឧត្តមភាពនិងកិត្យានុភាពនៃវជ្ជាជីវៈមេធាវី។ ឯកឧត្តម លី ច័ន្ទតុលា បានលើកឡើងថា ការធ្វើសាវនាត្រាប់របស់សិស្សនៃមជ្ឈមណ្ឌលបណ្តុះបណ្តាលវិជ្ជាជីវៈមេធាវី មួយថ្ងៃពេញនេះ គឺជាផ្នែកមួយនៃការសិក្សា ដែលនៅក្នុងនោះគឺ សិស្សទាំងអស់សិក្សាទៅលើទ្រឹស្តីផង ហើយគាត់បានចុះទៅតាមតុលាការ ពន្ធធនាគារ ក៏ដូចជាស្ថាប័នជំនាញមួយចំនួ ដើម្បីមើលទៅលើការងារជាក់ស្តែង ហើយយកមកអនុវត្តន៍ជាក់ស្តែងបន្ថែមទៀត…