ភ្នំពេញ៖ ក្រោមកិច្ចសម្របសម្រួល និងគាំទ្រពីរដ្ឋាភិបាលនៃសហព័ន្ធស្វីស និងសាធា រណ រដ្ឋ សហព័ន្ធអាល្លឺម៉ង់ និងដោយបានការអនុញ្ញាតដ៏ខ្ពង់ខ្ពស់របស់ សម្តេចមហា បវរធិបតី ហ៊ុន ម៉ាណែត នាយករដ្ឋមន្ត្រី នៃ ព្រះរាជាណាចក្រកម្ពុជា ឯកឧត្តមអភិ សន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជា ប្រធាន គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ និងលោកជំទាវ បានដឹកនាំគណៈប្រតិភូជាន់ខ្ពស់ អញ្ជើញបំពេញទស្សនកិច្ច នៅ សហព័ន្ធស្វីស និងសាធារណរដ្ឋសហព័ន្ធអាល្លឺម៉ង់ ចាប់ពីថ្ងៃទី២០ ដល់ ថ្ងៃទី២៧ ខែមេសា ឆ្នាំ២០២៤ ប្រកបដោយជោគជ័យ ។ ក្នុងដំណើរទស្សនកិច្ចនេះ ភាគីកម្ពុជា បានពិភាក្សា និងផ្លាស់ប្តូរយោបល់ ជាមួយភាគី ស្វីស និងអាល្លឺម៉ង់ លើការពង្រឹង និងពង្រីក ទំនាក់ទំនងកិច្ចសហប្រតិបត្តិការ និងការ អភិវឌ្ឍក្នុងភាពជាដៃគូរវាងកម្ពុជា-ស្វីស និងកម្ពុជា-អាល្លឺម៉ង់ ក្នុងនោះ បានផ្លាស់ប្តូរបទ ពិសោធ លើការអភិវឌ្ឍវិស័យសំខាន់ៗ រួមមានជាអាទិ៍…

កំពង់ធំ៖ ឯកឧត្តម  ងួន រតនៈ អភិបាលខេត្តនិងជាប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ធំ កាលពីចុងសប្ដាហ៍កន្លងទៅបានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារសកម្មភាព និងហិរញ្ញវត្ថុ ត្រីមាស១ ឆ្នាំ២០២៤ និងលើកទិសដៅការងារត្រីមាស២ របស់សាខាកាកបាទក្រហមកម្ពុជា ។ កិច្ចប្រជុំនេះផ្ដោតសំខាន់លើរបៀបវារៈសំខាន់ៗ មួយចំនួនរួមមាន៖របាយការណ៍លទ្ធផលការងារសកម្មភាពឆ្នាំ២០២៣ និងលើកទិសដៅការងារត្រីមាស ២ ,របាយការណ៍ហិរញ្ញវត្ថុឆ្នាំត្រីមាស១ និងផែនការថវិកាត្រីមាស២, ត្រៀមប្រារព្ធកម្មវិធី៨ ឧសភា ឆ្នាំ២០២៤។ សម្រាប់ការអនុវត្តបន្តឯកឧត្តមប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ធំបានណែនាំថា ត្រូវបន្តអនុវត្តនូវទម្រង់បែបបទ នីតិវិធីនៃការប្រើប្រាស់មូលនិធិ។ ពិនិត្យវាយតម្លៃ និងរបាយការណ៍ឱ្យបានទៀតទាត់ ព្រមទាំងមានសូចនាករណ៍ឱ្យបានច្បាស់លាស់។ ពង្រីកការផ្សព្វផ្សាយឱ្យបានទូលំទូលាយអំពីវិធីជួយសង្រ្គោះបឋមតាមសហគមន៍។ ត្រូវបន្តយកចិត្តទុកដាក់ក្នុងការបង្កើនចំណេះដឹង ជំនាញ លើកកម្ពស់សមត្ថភាព ដើម្បីឆ្លើយតបទៅនឹងតម្រូវការក្នុសម័យបច្ចេកវិទ្យាឌីជីថល រួមទាំងការងារជាអាទិភាពគន្លឹះ ស្របទៅនឹងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល នីតិកាលទី៧ និងយុទ្ធសាស្ត្រ ២០២១-២០៣០ របស់កាកបាទក្រហមកម្ពុជា៕ដោយៈ ប៊ុន រដ្ឋា

ភ្នំពេញ៖ សម្ដេចមហាបវរធីបតី ហ៊ុន ម៉ាណែត នាយករដ្ឋមន្ត្រី កម្ពុជា បានអញ្ជើញជាអធិបតីដឹកនាំកិច្ចប្រជុំ បូកសរុបលទ្ធផលការងារប្រចាំឆ្នាំ២០២៣ និងលើកផែនការសកម្មភាពឆ្នាំ២០២៤ របស់ក្រុមប្រឹក្សាជាតិដើម្បីស្ត្រី នៅវិមានសន្តិភាព រាជធានីភ្នំពេញ នាព្រឹកថ្ងៃ ទី២៩ មេសា ឆ្នាំ២០២៤ ។ លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្រ្តីក្រសួងកិច្ចការនារី និងជាប្រធានក្រុមប្រឹក្សាជាតិកម្ពុជា ដើម្បីស្រ្តី បានឱ្យដឹងថា ឆ្នាំ២០២៣ ក្រុមប្រឹក្សាជាតិកម្ពុជាដើម្បីស្រ្តី ផ្សព្វផ្សាយ បណ្តុះបណ្តាល អនុសញ្ញា CEDAW និងការងារបញ្រ្ជាបយេនឌ័រ នៅថ្នាក់ជាតិ និងថ្នាក់ក្រោមជាតិ ដោយមានស្រី្តចូលរួមចំនួន ៥២% នៃអ្នកចូលរួមសរុប ១១២ ៨៣៦ នាក់ ,បានយកចិត្តទុកដាក់ខ្ពស់ អភិវឌ្ឍសមត្ថភាពស្រ្តី ជាថ្នាក់ដឹកនាំ និងមន្រ្តីរាជការជានារីនៅថ្នាក់ជាតិ និងថ្នាក់ក្រោមជាតិ ៩ ៤៨២ នាក់ (ស្មើ ៣៦,៩១%) នៃមន្រ្តីរាជការសរុប ២៥ ៦៨៤ នាក់ ។ រាជរដ្ឋាភិបាល…

ភ្នំពេញ ៖ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះ រាជាណា ចក្រកម្ពុជា បានអនុញ្ញាតឲ្យ លោកជំទាវ ÜLKÜ KOCAEFE ឯកអគ្គរដ្ឋទូត នៃសាធារណៈរដ្ឋតួរគី ប្រចាំព្រះរាជាណាចក្រកម្ពុជា ចូលជួប សំដែងការគួរសម និងពិភាក្សាការងារ នៅវិមានព្រឹទ្ធសភា នាព្រឹកថ្ងៃទី២៩ ខែមេសា ឆ្នាំ២០២៤ ៕ ដោយ ៖ វណ្ណលុក

ភ្នំពេញ៖ សម្តេចតេជោ ហ៊ុន សែន បានបែងចែកថវិកា ដែលសប្បុរសជនចូលរួម វិភាគទាន ដល់កីឡាបាល់ទាត់សប្បុរសធម៌ ជួយដល់គ្រួសារយុទ្ធជនពលីករណី ផ្ទុះគ្រាប់នៅយោធភូមិភាគ៣ ចំនួន ២០គ្រួសារ ក្នុងមួយគ្រួសារ ១ម៉ឺនដុល្លារ (10,000$) ។ នេះបើតាមការបង្ហោះលើបណ្ដាញសង្គមហ្វេសប៊ុករបស់ សម្ដេច អគ្គមហាសេនាបតីតេជោ ហ៊ុន សែន ប្រធានព្រឹទ្ធសភាកម្ពុជា នាព្រឹកថ្ងៃទី២៩ ខែមេសា ឆ្នាំ២០២៤ ។ សម្តេចតេជោ ហ៊ុន សែន បានបញ្ជាក់ថា ៖ ដំបូង ខ្ញុំសូមអរគុណចំពោះសប្បុរសជន ដែលបានចូលរួមជួយឧបត្ថម្ភដល់ការប្រកួតកីឡាបាល់ទាត់ ដើម្បីសប្បុរសធម៌ ដែលមកដល់ពេលនេះបានចូលរួមតាមរយៈខ្ញុំមានជាង ៤,៨លានដុល្លារ (4,800,000$)។ ដើម្បីជួយដល់កន្លែងដែលជួបការលំបាកដែរនោះ ខ្ញុំសូមដកថវិកាចំនួន ១លានដុល្លារ (1,000,000$) ដើម្បីបែងចែកទៅ៖ 1.មន្ទីរពេទ្យកុមារអង្គរខេត្តសៀមរាប ចំនួន50 ម៉ឺនដុល្លារ(500,000$)។ 2.មជ្ឈមណ្ឌលព្យាបាលកុមារបេះដូងជប៉ុន ខេត្តកំពង់ស្ពឺ 30ម៉ឺនដុល្លារ (300,000$)។ 3.គ្រួសារយុទ្ធជនពលីករណីផ្ទុះគ្រាប់នៅយោធភូមិភាគ៣ ចំនួន២០គ្រួសារ ក្នុងមួយគ្រួសារ១ម៉ឺនដុល្លារ (10,000$) សរុប២០ម៉ឺនដុល្លារ…

កំពង់ស្ពឺ៖ ឯកឧត្តមឧបនាយករដ្ឋមន្រ្តី ទៀ សីហា រដ្ឋមន្រ្តីក្រសួងការពារជាតិកាលពីថ្ងៃអាទិត្យទី២៨ ខែមេសា ឆ្នាំ២០២៤នេះ បានដឹកនាំគណៈប្រតិភូ គោរពវិញ្ញាណក្ខន្ធយោធិន២០រូប ដែលបានពលីដោយឧបទ្ទវហេតុផ្ទុះគ្រាប់ នៅយោធភូមិភាគទី៣។ ពិធីនេះ ក៏មានការអញ្ជើញចូលរួមពី លោក ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈផងដែរ។ នៅក្នុងឱកាសអញ្ជើញគោរពវិញ្ញាណក្ខន្ធឯកឧត្តមឧបនាយករដ្ឋមន្រ្តី ទៀ សីហា ក៏បាននាំយកនូវសារចូលរួមរំលែកទុក្ខរបស់ សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត ជូនដល់ក្រុមគ្រួសារសពផងដែរ។ ឯកឧត្តមឧបនាយករដ្ឋមន្រ្តី ក៏បាននាំយកថវិកាប្រគល់ជូនក្រុមគ្រួសារសពយោធិន ដោយមួយគ្រួសារទទួលបានពីរម៉ឺនដុល្លារជាថវិការបស់សម្តេចធិបតី,បីលានរៀលជាថវិកាក្រសួងការពារជាតិ, ប្រាំពាន់ដុល្លារជាថវិកាបានមកពីសប្បុរសជននានា និងថវិកាមួយលានរៀល ជាថវិកាជាថវិការបស់ឧបនាយករដ្ឋមន្រ្តី ហ៊ុន ម៉ានី។ សូមបញ្ជាក់ថា កាលពីរសៀលថ្ងៃសៅរ៍ ទី២៧ ខែមេសា មានករណីឧបទ្ទវហេតុផ្ទុះគ្រាប់ នៅយោធភូមិភាគីទី៣ បណ្តាលឱ្យយោធិនចំនួន ២០នាក់ បានពលីជីវិត និងយោធិនមួយចំនួនទៀតបានរបួស៕ដោយៈ ម៉ុន សំអាត